ప్రముఖ గాయని లతా మంగేష్కర్‌కు అస్వస్థత

లెజండరీ గాయని లతా మంగేష్కర్ అస్వస్థతకు గురయ్యారు. సోమవారం అర్థరాత్రి 1.30 సమయంలో ఊపిరి తీసుకోవడంలో ఆమె ఇబ్బందికి గురవడంతో వెంటనే అప్రమత్తమైన బంధువులు ఆమెను ముంబయిలోని బ్రీచ్ క్యాండీ హాస్పిటల్‌కు తీసుకెళ్లారు. కొన్ని రోజులుగా ఆమెకు శ్వాసకోశ సమస్యలు ఉన్నట్లు తెలుస్తోంది. ప్రస్తుతం ఆమె ఆరోగ్యం నిలకడగా ఉందని బాలీవుడ్ వర్గాల సమాచారం. లత ఆరోగ్యంపై మరికొద్దిసేపట్లో బంధువులు అధికారిక ప్రకటన చేయనున్నారు.

READ ALSO: అయోధ్యలో మసీదు ఎందుకు: ప్రశ్నిస్తున్న Salman Khan తండ్రి

తన కెరీర్‌లో దాదాపు 25వేలకు పైగా సోలో పాటలు పాడి గిన్నీస్ రికార్డు క్రియేట్ చేశారు లతా మంగేష్కర్. ఆమెను అంతా నైటింగేల్ ఆఫ్ ఇండియా అంటారు. భారత ప్రభుత్వం లతను పద్మభూషణ్, దాదా సాహెబ్ ఫాల్కే, భారత రత్న, పద్మ విభూషణ్ అవార్డులతో సత్కరించింది. ఇప్పటికీ ఆమె పాటలకు ఎంతో ఆదరణ ఉంది. ప్రస్తుతం లత వయసు 90. అయితే కొన్నేళ్ల క్రితం సినిమాలకు పాటలు పాడటం మానేశారు లత. కేవలం భక్తి పాటలను మాత్రమే పాడుతున్నారు. ఇందుకు ఆమె ఆరోగ్యం సహకరించకపోవడం ఒక కారణమైతే, ఇప్పుడు సినిమాల్లో వస్తున్న పాటలన్నీ బూతు పదాలతో నిండిపోయి ఉన్నాయని అలాంటి పాటలను తాను పాడనని వెల్లడించారు.

READ ALSO: నటిని అక్కడ పట్టుకున్న ప్రియుడు.. రచ్చ పుట్టిస్తున్న సెల్ఫీ

లతా మంగేష్కర్ కారణంగా ఓ పేద మహిళ ఉన్నత స్థాయికి ఎదిగారు. కోల్‌కత్తాలోని రణఘాట్ రైల్వే స్టేషన్‌లో రణు మోండల్ అనే పేద మహిళ పాటలు పాడుతూ బతుకీడుస్తుండేది. లత మంగేష్కర్ పాడిన ఓ పాటను పాడటంతో ఆమె సోషల్ మీడియాలో సెన్సేషన్ అయిపోయింది. ఇప్పుడు ఆమె బాలీవుడ్ సినిమాలకు పాటలు పాడే రేంజ‌్‌కి ఎదిగిపోయింది. ఈ విషయం తెలిసి లత కూడా స్పందించారు. ఎవరైనా సొంత ట్యాలెంట్‌తో పేరు తెచ్చుకోవాలి కానీ ఇలా మరొకరు పాడిన పాటలు కాదని అన్నారు. ఏదేమైనా తన పాట వల్ల ఓ పేద మహిళ జీవితం బాగుపడిందంటే అంతకుమించి ఇంకేం కావాలని అన్నారు.

READ ALSO: హృతిక్ రోషన్‌పై కోపం.. భార్యను చంపేసిన భర్త