Sonu Sood: వినాయక వేడుకల్లో రియల్ హీరో.. గణపతి అందరని ఆశీర్వదించాలంటూ..

కరోనా కష్టకాలంలో ఎవరికైనా సహాయం అంటే ముందుగా గుర్తుకు వచ్చే పేరు సోనూసూద్‌ది. భారతదేశంలో కరోనా ప్రవేశించినప్పటి నుంచి మొదటి వేవ్‌లో తమ స్వస్థలాలకు వెళ్లలేక ఇబ్బందులు పడుతున్న ఎంతో మంది వలసకార్మికులకు, నిరుపేదలకు ఆయన అండగా నిలిచారు. ఆయన తన సొంత ఖర్చుతో రవాణా సౌకర్యం ఏర్పాటు చేసి వాళ్లని స్వస్థలాలకు చేర్చారు. ఇక లాక్‌డౌన్ ఎత్తివేశాక కూడా సోనూ తన సేవా కార్యక్రమాలను ఆపలేదు. అవసరంలో ఉన్నాము అని మెసేజ్ చేస్తే చాలు వారి కష్టాలను తీర్చారు ఆయన.

ఇకపోతే.. సెకండే వేవ్ సమయంలో సోనూ తన సేవా కార్యక్రమాలలో మరింత వేగం పెంచారు. సోషల్‌మీడియాలో ఎల్లప్పుడు యాక్టివ్‌గా ఉంటూ అవసరంలో ఉన్న వారి వివరాలు తెలుసుకుంటూ.. వారికి సహాయం అందించారు. అంతేకాదు.. దేశవ్యాప్తంగా ఆక్సిజన్ కొరత ఏర్పడటంతో ఆక్సిజన్ లేక ఎవరూ ప్రాణాలు కోల్పోవద్దు అనే ఉద్దేశంతో దేశంలోని పలు ప్రధాన నగరాల్లో ఆయన ఆక్సిజన్ ప్లాంటులు ఏర్పాటు చేశారు. అంతేకాదు.. తనను ఆదర్శంగా తీసుకొని అభిమానులు కూడా సేవా కార్యక్రమాలు ప్రారంభించేలా స్పూర్తిని ఇచ్చారు సోనూ.

ఇక శుక్రవారం దేశవ్యాప్తంగా వినాయక చవితి వేడుకలు ఘనంగా జరుగుతున్నాయి. ప్రతీ ఇంటిలో, ప్రతీ వాడలో భక్తులు వినాయక ప్రతిమలను ప్రతిష్టాపన చేసి భక్తి శ్రద్ధలతో పూజలు నిర్వహిస్తున్నారు. రియల్ హీరో సోనూసూద్‌ కూడా ఈ వినాయక చవితి వేడుకల్లో పాల్గొన్నారు. ఈ సందర్భంగా రకరకాల వినాయక ప్రతిమలతో దిగిన ఫోటోలను ఆయన షేర్ చేశారు. ‘గణపతి బప్పా మోరియా.. ఆ బప్పా అందరిని ఆశీర్వదించాలి’ అంటూ ఆయన ఈ ఫోటోలకు క్యాప్షన్ పెట్టారు. ప్రస్తుతం ఈ ఫోటోలు సోషల్‌మీడియాలో వైరల్ అవుతున్నాయి.