స్వలింగ వివాహం (Same sex marriage) అనేది ‘అర్బన్ ఎలిటిస్ట్’ (తమను తాము ఉన్నత నాగరికులుగా భావించుకునే వ్యక్తుల) కాన్సెప్ట్ కాదని ‘ది కశ్మీర్ ఫైల్స్’ దర్శకుడు వివేక్ అగ్నిహోత్రి (Vivek Agnihotri) అన్నారు. స్వలింగ వివాహాలకు చట్టబద్ధత కల్పించాలంటూ సుప్రీం కోర్టులో దాఖలైన పిటిషన్లను కేంద్ర ప్రభుత్వం వ్యతిరేకించడాన్ని తప్పుబడుతూ వివేక్ అగ్నిహోత్రి ట్విట్టర్ ద్వారా స్పందించారు. స్వలింగ వివాహం అనే కాన్సెప్ట్ తప్పే కాదని ఆయన వాదించారు. దీన్ని ఇండియాలో సర్వసాధారణం చేయాల్సిన అవసరం ఉందన్నారు.
స్వలింగ వివాహాలను చట్టబద్ధం చేయడంపై సుప్రీం కోర్టులో విచారణ జరుగుతోన్న విషయం తెలిసిందే. దీనిపై సుప్రీం కోర్టు కేంద్ర ప్రభుత్వ వివరణ కోరగా.. సోమవారం కేంద్ర తన వాదనను వినిపించింది. తమను తాము ఉన్నత నాగరికులుగా భావించుకునే కొందరు.. వారి అభిప్రాయాలను సమాజం ఆమోదించాలనే ఉద్దేశంతో ఈ పిటిషన్లు వేశారని కేంద్ర ప్రభుత్వం అభిప్రాయపడింది. ఇలాంటి బంధాలను.. ప్రస్తుతమున్న వివాహ వ్యవస్థతో సమానంగా పరిగణిస్తే అది ప్రతి పౌరుడిపై తీవ్ర ప్రభావం చూపిస్తుందని వాదించింది. ఈ వాదనను వివేక్ అగ్నిహోత్రి వ్యతిరేకించారు.
అయితే, వివేక్ అగ్నిహోత్రి వాదనకు నెటిజనుల నుంచి మిశ్రమ స్పందన వస్తోంది. కొంత మంది వివేక్ వాదనను స్వాగతిస్తుంటే.. మరికొందరు వ్యతిరేకిస్తున్నారు. బీజేపీ ప్రభుత్వానికి వ్యతిరేకంగా గొంతెత్తడంపై కొందరు ప్రశంసలు కురిపిస్తుంటే.. ఇలాంటి వివాహాలను అస్సలు ఇష్టపడనివారు ‘నోరు మూసుకో వివేక్’ అంటూ ఘాటుగా స్పందిస్తున్నారు.
నిజానికి స్వలింగ వివాహాలను చట్టబద్ధం చేయాలని గతంలోనూ కొందరు సెలబ్రిటీలు గొంతెత్తారు. బాలీవుడ్ ఫిలిం మేకర్ హన్సల్ మెహతా ఇప్పటికే స్వలింగ వివాహం కాన్సెప్ట్‌పై ‘మోడరన్ లవ్: ముంబై’ అనే ఆంథాలజీని రూపొందించారు. ఈయన కూడా స్వలింగ వివాహాలను చట్టబద్ధం చేయాలని ట్వీట్ చేశారు.
ఇదిలా ఉంటే, ప్రధాన న్యాయమూర్తి జస్టిస్ డీవై చంద్రచూడ్ సహా ఐదుగురు న్యాయమూర్తులు జస్టిస్ ఎస్కే కౌల్, జస్టిస్ ఎస్ రవీంద్ర భట్, జస్టిస్ పీఎస్ నరసింహ, జస్టిస్ హేమ కోహ్లిలతో కూడిన సుప్రీం కోర్టు రాజ్యాంగ ధర్మాసనం.. స్వలింగ వివాహాల చట్టబద్ధతపై దాఖలైన పిటిషన్లను మంగళవారం నుంచి విచారించనుంది. ఈ నేపథ్యంలో కేంద్ర ప్రభుత్వం సోమవారం పిటిషన్‌ దాఖలు చేసింది. స్వలింగ వివాహాన్ని వ్యతిరేకించింది. అయితే కేంద్రం వ్యాజ్యాన్ని పరిగణనలోకి తీసుకున్న సుప్రీం కోర్టు.. దీనిపై కూడా మంగళవారం విచారణ జరపనుంది.
స్వలింగ వివాహాలను చట్టబద్ధం చేయడంపై సుప్రీం కోర్టులో విచారణ జరుగుతోన్న విషయం తెలిసిందే. దీనిపై సుప్రీం కోర్టు కేంద్ర ప్రభుత్వ వివరణ కోరగా.. సోమవారం కేంద్ర తన వాదనను వినిపించింది. తమను తాము ఉన్నత నాగరికులుగా భావించుకునే కొందరు.. వారి అభిప్రాయాలను సమాజం ఆమోదించాలనే ఉద్దేశంతో ఈ పిటిషన్లు వేశారని కేంద్ర ప్రభుత్వం అభిప్రాయపడింది. ఇలాంటి బంధాలను.. ప్రస్తుతమున్న వివాహ వ్యవస్థతో సమానంగా పరిగణిస్తే అది ప్రతి పౌరుడిపై తీవ్ర ప్రభావం చూపిస్తుందని వాదించింది. ఈ వాదనను వివేక్ అగ్నిహోత్రి వ్యతిరేకించారు.
అయితే, వివేక్ అగ్నిహోత్రి వాదనకు నెటిజనుల నుంచి మిశ్రమ స్పందన వస్తోంది. కొంత మంది వివేక్ వాదనను స్వాగతిస్తుంటే.. మరికొందరు వ్యతిరేకిస్తున్నారు. బీజేపీ ప్రభుత్వానికి వ్యతిరేకంగా గొంతెత్తడంపై కొందరు ప్రశంసలు కురిపిస్తుంటే.. ఇలాంటి వివాహాలను అస్సలు ఇష్టపడనివారు ‘నోరు మూసుకో వివేక్’ అంటూ ఘాటుగా స్పందిస్తున్నారు.
నిజానికి స్వలింగ వివాహాలను చట్టబద్ధం చేయాలని గతంలోనూ కొందరు సెలబ్రిటీలు గొంతెత్తారు. బాలీవుడ్ ఫిలిం మేకర్ హన్సల్ మెహతా ఇప్పటికే స్వలింగ వివాహం కాన్సెప్ట్‌పై ‘మోడరన్ లవ్: ముంబై’ అనే ఆంథాలజీని రూపొందించారు. ఈయన కూడా స్వలింగ వివాహాలను చట్టబద్ధం చేయాలని ట్వీట్ చేశారు.
ఇదిలా ఉంటే, ప్రధాన న్యాయమూర్తి జస్టిస్ డీవై చంద్రచూడ్ సహా ఐదుగురు న్యాయమూర్తులు జస్టిస్ ఎస్కే కౌల్, జస్టిస్ ఎస్ రవీంద్ర భట్, జస్టిస్ పీఎస్ నరసింహ, జస్టిస్ హేమ కోహ్లిలతో కూడిన సుప్రీం కోర్టు రాజ్యాంగ ధర్మాసనం.. స్వలింగ వివాహాల చట్టబద్ధతపై దాఖలైన పిటిషన్లను మంగళవారం నుంచి విచారించనుంది. ఈ నేపథ్యంలో కేంద్ర ప్రభుత్వం సోమవారం పిటిషన్‌ దాఖలు చేసింది. స్వలింగ వివాహాన్ని వ్యతిరేకించింది. అయితే కేంద్రం వ్యాజ్యాన్ని పరిగణనలోకి తీసుకున్న సుప్రీం కోర్టు.. దీనిపై కూడా మంగళవారం విచారణ జరపనుంది.