సెక్స్ వర్కర్‌ టు స్టార్ రైటర్.. దాని కోసం అంగాంగ ప్రదర్శన.. సంచలన విషయాలు బయటపెట్టిన రచయిత

మనిషి జీవితం ఎప్పుడు ఎటువైపు మళ్లుతుందో ఎవ్వరూ ఊహించలేరు. అంతా విధిరాత! అని చెప్పుకోవడమే తప్ప చేసేదేమీ ఉండదు. జీవితంలో కష్టం, సుఖం అనేవి రెండుకళ్ల లాంటివి. ప్రతీ మనిషి జీవితంలో కష్టసుఖాలకు చోటుంటుంది. కానీ ఆ కష్టాల నుంచి క్రమంగా తేరుకొని అందరికీ ఆదర్శంగా నిలవడం కొందరికే సాధ్యమవుతుంది. అందులో ఒకరే బాలీవుడ్ ఫేమస్ రచయిత షాగుఫ్తా.

ఒకప్పుడు ఆమె బార్ డాన్సర్. ఆ తర్వాత పొట్టకూటి కోసం దిక్కుతోచని పరిస్థితుల్లో సెక్స్ వర్కర్‌గా మారిన ఆమె.. నేడు స్టార్ స్టేటస్ అందుకుంది. అయినప్పటికీ తన గతం గురించి తాజాగా జరిగిన ఓ ఇంటర్వ్యూలో ఓపెన్‌గా చెప్పేసింది షాగుఫ్తా. సెక్స్ వర్కర్ నుంచి ఒక రైటర్‌గా ఎదిగిన తన జీవితంలో ఎన్నో మలుపులున్నాయని ఆమె తెలిపింది.

Also Read: జీవితంలో అది నిరంతర ప్రక్రియ.. ఎంత కష్టమొచ్చినా!! యాంకర్ సుమ సందేశం

తెలుగు ప్రేక్షకులకు పెద్దగా పరిచయం లేకపోయినప్పటికీ బాలీవుడ్ ప్రేక్షకులకు సుపరిచితం షాగుఫ్తా. బాలీవుడ్‌లో ఆషికి 2 వంటి ఎమోషనల్ లవ్ స్టోరిలకు రైటర్‌గా పని చేసిన ఆమె.. క్రమంగా బాలీవుడ్ స్టార్ రైటర్స్‌లో ఒకరిగా ఎదిగింది. అయితే తన జీవితం ఓ సెక్స్ వర్కర్ నుంచి ఈ స్థాయికి ఎదిగిన క్రమంలో ఒడిదొడుకుల గురించి వివరంగా చెప్పింది షాగుఫ్తా.

కనీసం తన తల్లిదండ్రులు ఎవరో కూడా తనకు తెలియదని, ఓ మహిళ తనను దత్తత తీసుకొని పెంచిందని షాగుఫ్తా చెప్పింది. తన పెంపుడు తల్లి మరో వ్యక్తితో రిలేషన్ పెట్టుకోవడం, కొంతకాలం తర్వాత అతను మరణించడంతో కుటుంబ భారం మోయాల్సి వచ్చిందని, దాంతో 16 ఏళ్ల వయసులోనే బార్ డాన్సర్‌గా చేరానని ఆమె చెప్పుకొచ్చింది.

బార్ డాన్సర్‌గా చేస్తున్న సమయంలో అంగాంగ ప్రదర్శన చేస్తుంటే తనపై అసభ్యకరంగా డబ్బులు చల్లారని, అప్పుడే ఈ సమాజంలో ఓ మహిళను ఎంత హీనంగా చూస్తారో అర్థమైందని ఆమె చెప్పింది. అయితే ఆ తర్వాత పరిస్థితుల దృష్ట్యా పొట్టకూటి కోసం సెక్స్ వర్కర్‌గా కూడా మారానని, అలా ఎన్నో కష్టాలు అనుభవించి చివరకు తాను అనుకున్న విధంగా రచయితను అయ్యానని షాగుఫ్తా తెలిపింది.