అంగరంగ వైభవంగా 59వ వార్షిక గ్రామీ అవార్డ్స్

అమెరికాలోని లాస్ ఏంజెల్స్‌లో ఫిబ్రవరి 12న 59వ వార్షిక గ్రామీ అవార్డుల ప్రదానోత్సవం ఘనంగా జరిగింది. లాస్ ఏంజెల్స్‌లోని స్టేపుల్స్ సెంటర్ ఈ వేడుకకి వేదికైంది. 2015 అక్టోబర్ 1 నుంచి సెప్టెంబర్ 30 2016 వరకు నమోదైన అత్యుత్తమమైన రికార్డింగ్స్, కంపోజిషన్స్, ఆర్టిస్టులు పేర్లు ఈ అవార్డ్స్‌కి నామినేట్ అయ్యాయి. జేమ్స్ కార్డెన్ ఈ సెరెమనీకి హోస్టింగ్ చేశారు. జేమ్స్ ఈ అవార్డ్స్ షోను హోస్ట్ చేయడం ఇదే తొలిసారి. సీబీఎస్ నెట్‌వర్క్ ఈ సెరెమనీని ప్రత్యక్షప్రసారం చేసింది.

ఈ అవార్డ్స్ కోసం బియాన్స్ అత్యధిక సంఖ్యలో 9 కేటగిరీల్లో నామినేట్ కాగా ప్రముఖ సింగర్ అడెలె అత్యధిక సంఖ్యలో 5 అవార్డులు సొంతం చేసుకుంది.

'హలో' సాంగ్‌తో అడెలె ఇచ్చిన పవర్ హౌజ్ పర్‌ఫార్మెన్స్ ఈ సెరెమనీకి హైలైట్‌గా నిలవగా... ప్రెగ్నెన్సీతో వున్న బియాన్స్ ఇచ్చిన లైవ్ పర్‌ఫార్మెన్స్ మరో హైలైట్ అనిపించుకుంది. ఈ బిగ్గెస్ట్ మ్యూజిక్ నైట్‌లో పాల్గొన్న కళాకారులంతా తమ ఆటపాటలతో ఆహుతులని అలరించారు. ఎవరికి వారు తమకు ఇంకెవ్వరూ సాటి లేరన్న చందంగా పోటీ పడి మరీ పర్‌ఫామ్ చేశారు.