ఆకాశంలో పాట విడుదల.. 70 మంది పేద విద్యార్థులను విమానం ఎక్కించిన సూర్య

తమిళ స్టార్ సూర్య హీరోగా వస్తోన్న చిత్రం ‘సూరరై పోట్రు’. ఈ సినిమాను తెలుగులో ‘ఆకాశం నీ హద్దురా’ టైటిల్‌తో విడుదల చేస్తున్నారు. ‘గురు’ ఫేమ్ సుధ కొంగర ఈ సినిమాకు దర్శకత్వం వహిస్తున్నారు. జీవీ ప్రకాష్ కుమార్ సంగీతం సమకూరుస్తున్నారు. 2డి ఎంటర్‌టైన్మెంట్, సిఖ్యా ఎంటర్‌టైన్మెంట్ బ్యానర్లపై సూర్య ఈ చిత్రాన్ని నిర్మిస్తున్నారు. రాజశేఖర్ కర్పూరసుందర పాండియన్, గునీత్ మోంగా, ఆలిఫ్ సుర్తి సహ నిర్మాతలు. ఎయిర్ డెక్కన్ వ్యవస్థాపకుడు జీఆర్ గోపినాథ్ జీవిత కథ ఆధారంగా ఈ సినిమాను తెరకెక్కిస్తున్నారు.

తమిళ స్టార్ సూర్య హీరోగా వస్తోన్న చిత్రం ‘సూరరై పోట్రు’. ఈ సినిమాను తెలుగులో ‘ఆకాశం నీ హద్దురా’ టైటిల్‌తో విడుదల చేస్తున్నారు. ‘గురు’ ఫేమ్ సుధ కొంగర ఈ సినిమాకు దర్శకత్వం వహిస్తున్నారు. జీవీ ప్రకాష్ కుమార్ సంగీతం సమకూరుస్తున్నారు. 2డి ఎంటర్‌టైన్మెంట్, సిఖ్యా ఎంటర్‌టైన్మెంట్ బ్యానర్లపై సూర్య ఈ చిత్రాన్ని నిర్మిస్తున్నారు. రాజశేఖర్ కర్పూరసుందర పాండియన్, గునీత్ మోంగా, ఆలిఫ్ సుర్తి సహ నిర్మాతలు. ఎయిర్ డెక్కన్ వ్యవస్థాపకుడు జీఆర్ గోపినాథ్ జీవిత కథ ఆధారంగా ఈ సినిమాను తెరకెక్కిస్తున్నారు.

Samayam Telugu

ఆకాశంలో పాట విడుదల

‘ఆకాశం నీ హద్దురా’ సినిమాలోని రెండో పాట ‘పిల్ల పులి’ ప్రోమో వీడియోను గురువారం మధ్యాహ్నం 3 గంటలకు విడుదల చేశారు. అయితే, ఈ సాంగ్ లాంచింగ్ ఈవెంట్ చరిత్రలో నిలిచిపోయే రీతిలో చేశారు. ఆకాశం నడి మధ్యలో పాటను విడుదల చేశారు. దీని కోసం ప్రముఖ పౌరవిమానయాన సంస్థ స్పైస్‌జెట్‌తో చిత్ర యూనిట్ ఒప్పందం చేసుకుంది. ఈ ఒప్పందం ప్రకారం ‘సూరరై పోట్రు’ బ్రాండింగ్‌తో స్పైస్‌జెట్ ఒక బోయింగ్ విమానాన్ని లాంచ్ చేసింది. ఈ విమానం లాంచింగ్ ఈవెంట్‌లో స్పైస్‌జెట్ చైర్మన్ అజయ్ సింగ్, సూర్య తండ్రి శివకుమార్, మోహన్ బాబు తదితరులు పాల్గొన్నారు.

Twitter-2D Entertainment

100 మందితో ఆకాశంలోకి..

‘పిల్ల పులి’ ప్రోమో సాంగ్‌ను ఆకాశంలో లాంచ్ చేయడానికి ‘సూరరై పోట్రు’ బ్రాండింగ్‌తో ఉన్న స్పైస్‌జెట్ బోయింగ్ విమానంలో 100 మందిని తీసుకెళ్లారు. వీరంతా తొలిసారి విమానం ఎక్కినవారే. వీరితో పాటు ‘ఆకాశం నీ హద్దురా’ చిత్ర యూనిట్ బోయింగ్ విమానంలో వెళ్లి ఆకాశంలో ఉండగా పాట ప్రోమోను లాంచ్ చేశారు.

Also Read: RX 100 హీరోతో అల్లు అరవింద్ సినిమా.. ‘చావు కబురు చల్లగా..!’

Twitter-2D Entertainment

70 మంది పేద విద్యార్థులు

తొలిసారి విమానం ఎక్కిన వంద మందిలో 70 మంది పేద విద్యార్థులు ఉన్నారు. వీరంతా సూర్య నడిపిస్తోన్న అగరం ఫౌండేషన్‌లో చదువుతోన్న విద్యార్థులు. తమ తల్లిదండ్రులతో కలిసి ఈ విద్యార్థులంతా తొలిసారి విమానం ఎక్కారు. మధ్యాహ్నం 1.30 గంటలకు ఈ విమానం చెన్నై ఎయిర్‌పోర్ట్ నుంచి బయలుదేరింది. మధ్యాహ్నం 3 గంటలకు ఒక నిమిషం నిడివి ఉన్న వీడియో ప్రోమోను ఈ విమానంలో విడుదల చేశారు. సాయంత్రం 5 గంటలకు లిరికల్ వీడియోను విడుదల చేయనున్నారు.

Also Read: నాగశౌర్య, రీతువర్మ జంటగా సినిమా ప్రారంభం

Twitter-Suriya Sivakumar

రాత పోటీల్లో ఎంపిక

విమానంలో తీసుకెళ్లిన 70 మంది పిల్లలను ఎంపిక చేయడానికి చిత్ర యూనిట్ ఒక రాత పరీక్షను నిర్వహించింది. జీవితంలో తమ లక్ష్యాన్ని సాధించడానికి వారు కంటున్న కలలపై విద్యార్థులతో వ్యాసం రాయించారు. ఈ రాత పరీక్షలో అత్యంత ప్రతిభ కనబరిచిన విద్యార్థులను ఎంపిక చేసి విమానం ఎక్కించారు. ఇలా ఒక సినిమాలోని పాటను విమానంలో అదీ ఆకాశంలో విడుదల చేయడం ప్రపంచ సినీ చరిత్రలో ఇదే తొలిసారి. కాగా, ఈ విధంగా పేద విద్యార్థులను విమానం ఎక్కించి వారి సమక్షంలో పాటను విడుదల చేయడం పట్ల హీరో సూర్యపై ఆయన అభిమానులు ప్రశంసల వర్షం కురిపిస్తున్నారు.