9ఫస్ట్‌లుక్: బెజవాడ కుర్రాడు భయపెట్టేశాడు

ఎవడబ్బ సొత్తు కాదురా టాలెంటూ... అన్న పాటను నిజం చేసి చూపిస్తున్నాడు టాలీవుడ్‌ యంగ్ డైరెక్టర్స్. మనలో టాలెంట్ ఉండాలే కాని దాన్ని నమ్ముకుని ముందుకు వెళితే తిరుగుండదని ఈ మధ్యకాలంలో టాలీవుడ్‌లో వస్తున్న అనేక చిన్న సినిమాలు నిరూపించాయి. తాజాగా విజయవాడకు చెందిన యువ డైరెక్టర్ అశ్వని కుమార్ ‘9’ టైటిల్‌తో హరర్ అండ్ థ్రిల్లర్ జోనర్‌లో ఓ మూవీని తెరకెక్కించాడు. ఆ సినిమా ఫస్ట్ లుక్ మోషన్ పోస్టర్ ఇటీవల రిలీజ్ అయి ప్రేక్షకులను ఆకట్టుకుంటుంది.

ఏకా ఆర్ట్స్ ప్రొడక్షన్స్‌లో స్వేతా సింగ్ నిర్మాతగా అశ్విన్ కుమార్ తొలిసారి దర్శకత్వం వహిస్తున్న మూవీ ‘9’. ప్రస్తుతం షూటింగ్ పూర్తిచేసుకుని పోస్ట్ ప్రొడక్షన్ పనుల్లో బిజీగా ఉన్న ఈ మూవీ యూనిట్ తాజా మోషన్ పోస్టర్‌ను రిలీజ్ చేసింది. ఈ మధ్యకాలంలో టాలీవుడ్‌లో హరర్ జోనర్‌ మూవీస్ ప్రేక్షకులను విపరీతంగా ఆకట్టుకోవడంతో ‘9’ సినిమాపై అంచనాలు ఏర్పడ్డాయి. అంతేకాకుండా ‘9’ అనే టైటిల్‌తో పాటు... మోషన్ పోస్టర్‌లో ‘అర్థరాత్రి ఓ కారు చెట్టును ఢీ కొట్టడం.. ఆ కారులో నుండి లోయలోకి ఏదో పడిపోవడం అక్కడ నుండి టైటిల్ రివీల్ కావడం.. ఆ ఆక్సిడెంట్‌కు 9 కి సంబంధం ఏమిటి? అన్న థ్రిల్లింగ్ కాన్సెప్ట్ చాలా కొత్తగా ఉంది.


ఒక యువతి మంత్రగాడి ముగ్గులో నిలబడి ఉండటం.. భయంకరమైన చేతబడి బొమ్మలు, శబ్ధాలతో మోషన్ పోస్టర్‌ను నింపేసి భయపెట్టేస్తున్నాడు దర్శకుడు అశ్వని కుమార్ కుమర్. ఇతడికి ‘9’ తొలి చిత్రమే అయినప్పటికీ తన టాలెంట్‌ను మోషన్ పోస్టర్‌తోనే నిరూపించుకున్నాడు. త్వరలోనే ‘9’ సినిమా థియేటర్స్‌లో సందడి చేయడానికి రెడీ అవుతోంది.