90 Ml Movie Not Promote Alcohol Consumption, Says Hero Kartikeya
Jr NTR ఎమోషన్ను ఇంట్లో ప్రాక్టీస్ చేసేవాడిని: కార్తికేయ
‘RX 100’తో ఆరంగేట్రం చేసి.. తొలి సినిమాతోనే మంచి గుర్తింపు తెచ్చుకున్న హీరో కార్తికేయ. ఈ సినిమా తరవాత ‘గుణ369’, ‘హిప్పీ’ లాంటి భారీ సినిమాలు చేసినా పెద్దగా వర్కౌట్ కాలేదు. అయితే, ‘గ్యాంగ్ లీడర్’లో ఆయన చేసిన విలన్ పాత్రకు ప్రశంసలు దక్కాయి. నటుడిగా ఈ సినిమాతో ఓ మెట్టు పైకెక్కారు కార్తికేయ. ఇప్పుడు తన హీరో ఇమేజ్ను, మార్కెట్ను పెంచుకునే ప్రయత్నంలో భాగంగా ‘90 ఎంఎల్’ అంటూ మంచి కిక్కిచ్చే సినిమాతో ప్రేక్షకుల ముందుకు వచ్చారు.
Samayam Telugu6 Dec 2019, 1:48 pm
‘RX 100’తో ఆరంగేట్రం చేసి.. తొలి సినిమాతోనే మంచి గుర్తింపు తెచ్చుకున్న హీరో కార్తికేయ. ఈ సినిమా తరవాత ‘గుణ369’, ‘హిప్పీ’ లాంటి భారీ సినిమాలు చేసినా పెద్దగా వర్కౌట్ కాలేదు. అయితే, ‘గ్యాంగ్ లీడర్’లో ఆయన చేసిన విలన్ పాత్రకు ప్రశంసలు దక్కాయి. నటుడిగా ఈ సినిమాతో ఓ మెట్టు పైకెక్కారు కార్తికేయ. ఇప్పుడు తన హీరో ఇమేజ్ను, మార్కెట్ను పెంచుకునే ప్రయత్నంలో భాగంగా ‘90 ఎంఎల్’ అంటూ మంచి కిక్కిచ్చే సినిమాతో ప్రేక్షకుల ముందుకు వచ్చారు.
కార్తికేయ ముచ్చట్లు
‘90 ఎంఎల్’ సినిమా విడుదల నేపథ్యంలో హీరో కార్తికేయను ‘సమయం’ పలకరించింది. ఆయనతో కాసేపు ముచ్చటించింది. ‘సమయం’తో ఆయన పంచుకున్న ఆసక్తికర విషయాలు మీకోసం..
ఎంటర్టైన్ చేద్దామనుకుంటున్నా..
ఈ సినిమా ద్వారా మెసేజ్ ఏమీ ఇవ్వాలని అనుకోలేదు.. ఎంటర్టైన్ చేద్దామనుకుంటున్నా. ‘90 ఎంఎల్’ టైటిల్ ఈ సినిమాకి కచ్చితంగా సరిపోతుంది. అయితే, సినిమాలో ఎక్కడా ఆల్కహాల్ను ప్రమోట్ చేసినట్టు ఉండదు. ఈ సినిమాలో హీరోకి ఒక డిజార్డర్ ఉంటుంది. పుట్టినప్పటి నుంచి ఈ డిజార్డర్కు మెడిసిన్ ఆల్కహాల్ ఒక్కటే. 2 ఎంఎల్ పట్టిస్తా ఉంటారు. వాడికి 25 ఏళ్లు వచ్చేసరికి అది 90 ఎంఎల్ అవుతుంది. హీరోకి ఆల్కహాల్ అవసరం. కానీ, దాన్ని వాడి సరదా కోసం వాడడు. అలాంటిది సినిమాలో ఒక్క సీన్ కూడా లేదు.
వాళ్లతో చేసేంత హీరోని కాదనుకున్నారేమో..
కార్తికేయ తొలి సినిమా ‘RX 100’ ద్వారా పాయల్ రాజ్పుత్ పరిచయమయ్యారు. ఆ తరవాత ఆయన సినిమాలన్నింటిలోనూ కొత్త హీరోయిన్లే. ఇప్పుడు ‘90 ఎంఎల్’లో కూడా నేహా సోలంకి అనే కొత్త అమ్మాయి హీరోయిన్గా నటించింది. అయితే, కొత్తవాళ్లతోనే ఎందుకు చేస్తున్నారు? స్టార్ హీరోయిన్లను సంప్రదించలేదా? అనే ప్రశ్నకు కార్తికేయ స్పందించారు. స్టార్ హీరోయిన్ల కోసం ప్రయత్నించామని, కాకపోతే కుదరలేదని అన్నారు. కొంత మంది హీరోయిన్లకు డేట్స్ కుదరలేదని.. మరికొంత మంది యాక్సెప్ట్ చేయలేదని చెప్పారు. బహుశా తాను ఇంకా వాళ్లతో చేసేంత స్థాయికి వెళ్లలేదని అనుకున్నారేమో అని నవ్వేశారు కార్తికేయ.
లెక్కలేసుకుని వెళ్లట్లేదు
‘గ్యాంగ్ లీడర్’లో విలన్గా చేయడంపై స్పందిస్తూ.. ‘‘నేను పెద్దగా ఆలోచించలేదు. విక్రమ్ గారు, నాని గారు ఉన్నారు.. నాకు కథ చెప్పారు.. ఆ నిమిషానికి చెయ్యాలనిపించింది, యస్ చేప్పేశాను. ఒకసారి కెమెరా స్టార్ అయ్యి యాక్షన్ అని చెప్పగానే చేసుకుంటూ వెళ్లిపోతామంతే. అది హీరోనా, విలనా అనే ఆలోచన రాదు. 100 శాతం ఇచ్చేయాలి. పెద్దగా ఆలోచించి లెక్కలేసుకుని అయితే వెళ్లట్లేదు కెరీర్లో. ఎంత లెక్కలేసుకున్నా కెరీర్ గ్రాఫ్ మనచేతిలో ఉండదు. అందుకే, మనసుకు నచ్చినవి చేసుకుంటూ వెళ్లాలి’’ అని చెప్పారు.
ఫ్యామిలీ ఆడియన్స్కు దగ్గరయ్యా..
‘గ్యాంగ్ లీడర్’ సినిమాలో విలన్ పాత్ర దక్కడం నిజంగా చాలా హ్యాపీ. చాలా మంచి పేరు వచ్చింది. ‘RX 100’ తరవాత నాకు మళ్లీ మంచి గుర్తింపు తెచ్చిన పాత్ర అది. ‘RX 100’ సినిమాను పిల్లలు, ఫ్యామిలీ ఆడియన్స్ థియేటర్లలో చూడలేదు. నాని గారికి ఫ్యామిలీ ఆడియన్స్ ఎక్కువ. ఈ సినిమాలో వాళ్లందరు నన్ను చూడటం.. నా నటన గురించి బాగా చెప్పడం నిజంగా నాకు కెరీర్ పరంగా చాలా ప్లస్ అయ్యింది.
రాజమౌళి అయినా చేయను..
విలన్గా మళ్లీ మంచి అవకాశం వస్తే చేయడానికి తాను సిద్ధంగా ఉన్నానని కార్తికేయ చెప్పారు. ఏది పడితే అది చేయనని.. ఆ పాత్రకు మంచి స్కోప్ ఉంటే చేస్తానని అన్నారు. డైరెక్టర్స్ క్రేజ్తో సంబంధం లేకుండా స్క్రిప్ట్ నచ్చితే ఏ సినిమాలో అయినా చేస్తానన్నారు. జస్ట్ అలా వచ్చి చచ్చిపోయే సీన్ అయితే అది రాజమౌళి సినిమాలో అయినా చేయనని స్పష్టం చేశారు.
ఎన్టీఆర్ నుంచి ఎమోషన్ నేర్చుకున్నా..
మీరు హీరో కాకముందు మీ అభిమాన హీరో ఎవరు అని అడిగిన ప్రశ్నకు.. ‘‘చిరంజీవి గారే.. చిన్నప్పుడు ఆయన డ్యాన్సులు, ఫైట్లు చూసి సినిమాపై పిచ్చి పెంచుకున్నా. ఇప్పుడు ఒక్కో హీరోలో ఒక్కో క్వాలిటీ నచ్చుతుంది. డ్యాన్స్ అనే క్వాలిటీని చిరంజీవి గారి దగ్గర నుంచే తీసుకున్నాను. ఇంకెవ్వరు ఛాన్సే లేదు. ఫైట్స్ విషయానికి వస్తే.. ప్రభాస్ గారి ఫైట్స్ ఇష్టం. ఫైట్ చేసేటప్పుడు ఆయన నిలబడే విధానం బాగా నచ్చుతుంది. ఎమోషన్ అంటే జూనియర్ ఎన్టీఆర్ గారు. ‘రాఖీ’, ‘టెంపర్’ సినిమాల్లో ఆయన ఎమోషన్ చూసి నేను ప్రాక్టీస్ కూడా చేసుకున్నాను’’ అని కార్తికేయ చెప్పుకొచ్చారు.
Video-కార్తికేయ ఇంటర్వ్యూ: ‘90 ఎంఎల్’ ఆల్కహాల్ ప్రమోషన్ కాదు
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.