తెలుగు సినిమా హీందీ రీమేక్‌లో సన్నిలియోన్

చిన్నచిన్నగా బాలీవుడ్‌లో తెలుగు సినిమాలకి డిమాండ్ పెరుగుతోంది. బాలీవుడ్ ఫిలిం మేకర్స్ ఇప్పుడు టాలీవుడ్ చిత్రాలపై కన్నేస్తున్నారు. తమకి సూట్ అయ్యే కథా, కథనం లాంటివి ఏమైనా వుంటే వాటిని బాలీవుడ్‌కి ఇంపోర్ట్ చేసుకుంటున్నారు. అందులో భాగంగానే తాజాగా ఓ టాలీవుడ్ హారర్ థ్రిల్లర్ త్వరలోనే హిందీలో రీమేక్ కానుంది. 2005లో రిలీజైన 'ఏ ఫిలిం బై అరవింద్' అనే హారర్ సినిమాని హిందీలో రీమేక్ చేయనున్నట్టు ఆ చిత్ర దర్శకుడు శేఖర్ సూరి మీడియాకు తెలిపారు.

రాజీవ్ కనకాల, రిచర్డ్ రిషి, మోనా చోప్రా ప్రధాన పాత్రల్లో తెరకెక్కిన ఈ హారర్ థ్రిల్లర్ అప్పట్లో తెలుగు ఆడియెన్స్‌ని బాగా ఆకట్టుకుంది. చిన్న చిత్రంగా రిలీజై హిట్ సినిమాగా పేరు తెచ్చుకున్న ఏ ఫిలిం బై అరవింద్ త్వరలోనే హిందీలో రీమేక్ కానుందని... తెలుగులో మోనా చోప్రా పోషించిన పాత్రని హిందీలో సన్నిలియోన్ పోషించనున్నట్టు శేఖర్ సూరి చెప్పారు. రాజీవ్ కనకాల, రిషి నటించిన పాత్రల్లో ఎవరిని తీసుకుంటారనే విషయంలో ప్రస్తుతానికి క్లారిటీ లేదు.