శర్వానంద్ బర్త్ డే స్పెషల్: ఫస్ట్ లుక్ వచ్చింది!

ఈ రోజు శర్వానంద్ పుట్టిన రోజు. ఒకవైపు అభిమానగణం, ఈ హీరో శ్రేయోభిలాషులు సోషల్ మీడియా ద్వారా అతడికి పుట్టిన రోజు శుభాకాంక్షలు తెలుపుతూ ఉన్నారు. ఇదే సందర్భంలో ఈ హీరో కొత్త సినిమా టైటిల్ ఖరారు కావడంతో పాటు, ఫస్ట్ లుక్ కూడా విడుదల అయ్యింది. ‘అందాల రాక్షసి’, ‘కృష్ణగాడి వీర ప్రేమగాథ’, ‘లై’ సినిమాల దర్శకుడు హనూ రాఘవపూడి దర్శకత్వంలో రూపొందిన ఈ సినిమాకు ఆసక్తిదాయకమైన టైటిల్ ను ఖరారు చేశారు. ‘పడి పడి లేచె మనసు’ పేరుతో వైవిధ్యమైన ప్రేమకథతో వస్తున్నామనే సంకేతాలు ఇచ్చారు.

ఇక పోస్టర్ మీద క్లాసిక్ పోజులో కనిపించాడు శర్వానంద్. హీరో లుక్ విషయంలో దర్శకుడు హనూ రాఘవపూడికి ప్రత్యేకమైన స్టైల్ ఉంది. అలాంటి పొయెటిక్ టచ్ తో శర్వాను పోస్టర్ మీద చూపించాడు ఆ దర్శకుడు.

ఈ సినిమాలో సాయి పల్లవి హీరోయిన్ గా నటిస్తోంది. ఫస్ట్ లుక్ లో హీరోయిన్ ప్రస్తావన ఏమీ కనిపించడం లేదు. ప్రస్తుతం ఈ సినిమా షూటింగ్ కోల్ కతాలో కొనసాగుతూ ఉంది.