సచిన్ కూతురి ఫిలిం ఎంట్రీ వెనుక అమీర్ ఖాన్ ?

క్రికెట్ గాడ్ మాస్టర్ బ్లాస్టర్ సచిన్ టెండుల్కర్ గారాలపట్టి సారా టెండుల్కర్ బాలీవుడ్‌లోకి ఎంట్రీ ఇవ్వనుందని కొద్ది నెలల క్రితం బాలీవుడ్ మీడియాలో వార్తలు గుప్పుమన్న సంగతి తెలిసిందే. బాలీవుడ్ యంగ్ స్టార్ హీరో రణ్‌వీర్ సింగ్ సరసన ఓ కామెడి సినిమాతో సారా సినీరంగ ప్రవేశం చేయనుందనేది ఆ వార్తల సారాంశం. ఆ తర్వాత సారా ఫిలిం ఎంట్రీ విషయం మరుగున పడిన వార్తల్లో ఒకటైంది.

అయితే, తాజాగా మరోసారి సారా ఫిలిం ఎంట్రీ వార్తల్లోకొచ్చింది. బాలీవుడ్ మీడియా వర్గాల ద్వారా అందుతున్న సమాచారం ప్రకారం సారా టెండుల్కర్‌కి అమీర్ ఖాన్ యాక్టింగ్ చిట్కాలు నేర్పిస్తున్నట్టు తెలుస్తోంది. అమీర్ ఖాన్, సచిన్ టెండుల్కర్ ఇద్దరూ చాలా క్లోజ్ ఫ్రెండ్స్. క్రీడలంటే ఇష్టపడే అమీర్ ఖాన్‌కి సచిన్‌తో మంచి అనుబంధం వుంది. అందుకే అమీర్ ఖాన్‌తో తనకి వున్న చనువుని ఉపయోగించుకుని సచిన్ తన కూతురు సారా టెండుల్కర్‌కి అతడి వద్దే యాక్టింగ్ క్లాసెస్ ఇప్పిస్తున్నట్టు బాలీవుడ్ మీడియా చెబుతోంది.

సారా తన సినీరంగ ప్రవేశం కోసం అమీర్ వద్ద నటనలో పాఠాలు నేర్చుకుంటున్న మాట వాస్తవమే అయితే, ఆమెకన్నా లక్కీ ఇంకెవ్వరూ వుండరు అంటున్నాయి బాలీవుడ్ వర్గాలు. ఎందుకంటే, బాలీవుడ్‌లోనే మిస్టర్ పర్‌ఫెక్ట్ గా పేరున్న స్టార్ హీరో వద్ద పాఠాలు నేర్చుకునే అవకాశం అందరికీ రాదు కదా మరి!!