బాలీవుడ్ నటి మమతా కుల్‌కర్ణికి షాక్‌

బాలీవుడ్‌ నటి మమతా కుల్‌కర్ణికి ఎన్డీపీఎస్ కోర్ట్ షాకిచ్చింది. ముంబయిలో ఆమెకు చెందిన రూ.20 కోట్ల విలువైన మూడు ఫ్లాట్లను జప్తు చేసింది. రూ.2వేల కోట్ల విలువైన మాదక ద్రవ్యాల అక్రమ రవాణా కేసులో పరారిలో ఉన్న ఆమె.. న్యాయస్థానానికి హాజరుకాకపోవడంతో ఎన్డీపీఎస్ న్యాయమూర్తి హెచ్.ఎం.పట్వర్థన్ ఈ ఆదేశాలిచ్చారు.

మమతా కులకర్ణి ప్రస్తుతం మాదకద్రవ్యాల స్మగ్లరు వికీగోస్వామితో కలసి కెన్యాలో ఉంటోంది. ఏప్రిల్‌ 2016లో మహారాష్ట్రలోని షోలాపుర్‌ జిల్లాలోని అవన్‌ లైఫ్‌సైన్సెస్‌ లిమిటెడ్‌ ఆవరణలో నిల్వ ఉంచిన 18.5 టన్నుల బరువు గల ఎఫిడ్రైన్‌ను పోలీసులు స్వాధీనం చేసుకున్నారు.

రూ.2000 కోట్లు విలువ చేసే ఈ మాదక ద్రవ్యాల అక్రమ రవాణాకు ఆమె సహకరించిందని పోలీసుల ఆరోపణ. ఈ కేసు విచారణ కోసం ఆమెను కెన్యా నుంచి ఇండియాకు రప్పించే ప్రయత్నం చేస్తున్నామని పోలీసులు ఈ సందర్భంగా తెలిపారు.