‘ఆచారి అమెరికా యాత్ర’ ట్రైలర్‌: నవ్వుల జర్నీ!

మంచు విష్ణు కథానాయకుడిగా నటిస్తున్న చిత్రం ‘ఆచారి అమెరికా యాత్ర’తో నవ్వుల యాత్రకు విష్ణు సిద్ధమైపోయాడు. జనవరి 26న విడుదల కానున్న ఈ సినిమా ట్రైలర్‌ను శనివారం య్యూట్యూబ్‌లో విడుదల చేశారు. జి నాగేశ్వరరెడ్డి దర్శకత్వంలో రూపొందిన ఈ చిత్రంలో ప్రగ్యా జైశ్వాల్‌ కథానాయిక. బ్రహ్మానందం మరో కీలక భూమిక పోషించారు. అనూప్‌ సింగ్‌ ఠాకూర్‌ ప్రతినాయకుడిగా నటిస్తున్నారు.

కామెడీ సన్నివేశాలతో మొదలైన ఈ ట్రైలర్‌... పోరాట సన్నివేశాలతో ఎండ్ అయ్యింది. తన ప్రేయసి కోసం అమెరికా వెళ్లిన విష్ణు అక్కడ ఎలాంటి పరిస్థితులు ఎదుర్కొన్నాడు? ఆమె ప్రేమను ఎలా గెలుచుకున్నాడనేది ఇందులో కథ. ఇందులో బ్రహ్మానందంతో పాటు పృథ్వి కూడా కితకితలు పెడుతున్నాడు. ‘‘కడుపుకు అన్నం తింటున్నావా, ప్లాస్టిక్ రైస్ తింటున్నావా దరిద్రుడా’’ అంటూ తనదైన శైలిలో నవ్వులు పూయిస్తున్నాడు.