Adivi Sesh మేజర్ మూవీ ఓటీటీ రిలీజ్ డేట్.. స్ట్రీమింగ్ ఎక్కడంటే..?

అడివి శేష్‌ (Adivi Sesh) హీరోగా శశి కిరణ్ తిక్కా డైరెక్షన్‌లో తెరకెక్కిన మూవీ 'మేజర్' (Major). 26/11 ముంబయి దాడుల్లో వీరోచితంగా పోరాడి ఉగ్రవాదులను హతమర్చి అమరుడైన మేజర్ సందీప్ ఉన్నికృష్ణన్ జీవిత చరిత్ర ఆధారంగా ఈ సినిమాను రూపొందించారు. జూన్ 3న విడుదలైన 'మేజర్' సినిమా ఇండియా వైడ్‌గా బ్లాక్‌బస్టర్ హిట్ చిత్రంగా నిలిచింది. ఉన్నికృష్ణన్ పోరాటానికి థియేటర్లలో ఆడియన్స్ కన్నీళ్లు పెడుతూ.. సెల్యూట్ చేశారు. సందీప్ పాత్రలో అడివి శేష్ జీవించేశాడు.

ఈ సినిమా ఓటీటీ రిలీజ్ డేట్ కోసం ఎదురు చూస్తున్న అభిమానులకు మూవీ మేకర్స్ గుడ్ న్యూస్ చెప్పారు. జులై 3 నుంచి ప్రముఖ ఓటీటీ ప్లాట్ ఫామ్ నెట్ ఫ్లిక్స్‌లో స్ట్రీమింగ్ కానున్నట్లు ప్రకటించారు. థియేటర్లలో చూడలేని వారు.. చూసినవారు మళ్లీ మళ్లీ మేజర్ మూవీను చూసేందుకు రెడీ అవుతున్నారు.

సయి ముంజ్రేకర్ హీరోయిన్‌గా నటించగా.. ప్రకాష్ రాజ్, రేవతి, మురళీ శర్మ, శోభిత ధూళిపాళ్ల కీలక పాత్రలు పోషించారు. ఈ సినిమాను సూపర్ స్టార్ మహేశ్ బాబు నిర్మించగా.. రాజీవ్ భరద్వాజ్ మ్యూజిక్ అందించారు. ముంబై హోటల్‌పై ఉగ్రమూకల దాడిలో సందీప్ పోరాట దృశ్యాలను అభిమానులను ఎంతగానో ఆకట్టుకున్నాయి. ఈ మూవీపై సినీ ప్రముఖులు సైతం ప్రశంసల జల్లు కురిపించారు. బిగ్ స్క్రీన్లపై సందడి చేసిన మేజర్ సినిమాను ఓటీటీలో చూసేందుకు మీరు కూడా రెడీగా ఉండండి.\