నేను పెళ్లి చేసుకోను.. నా నిర్ణయానికి మా నాన్న హ్యాపీ: అవసరాల శ్రీనివాస్

పెళ్లి ముచ్చటకు దూరం అంటున్నాడు అవసరాల శ్రీనివాస్. అరెరె ఎందుకు అంత పెద్ద నిర్ణయం తీసుకున్నారంటే.. ఆల్రెడీ అమ్మానాన్నలతో కూడా ఈ పెళ్లి మ్యాటర్ గురించి మాట్లాడేశానంటున్నాడు.. అపుడెపుడో 2016లో అనుకుంటా.. TNR ఇంటర్వ్యూలో పెళ్లిప్పుడు శ్రీనివాసూ అంటే.. డబ్బుల్లేవ్ అని వాయిదా వేస్తున్నా అన్నారు.. అయితే ఇప్పుడు మాత్రం పెళ్లే వద్దంటూ తన పర్సనల్ విషయాలను చెప్పుకొచ్చారు అవసరాల.

నేను పుట్టింది కాకినాడ దగ్గరలోని మండపేట. అమ్మగారి ఊరి మండపేట. చదువుకున్నది హైదరాబాద్‌లో.. మధ్యలో రెండేళ్లు కాకినాడలో చదివా. డిగ్రీ విజయవాడలో చేశాను. తిరిగి ఇంజనీరింగ్‌కి హైదరాబాద్ వచ్చేశా.

పెళ్లి చేసుకోకూడదని నేను నిర్ణయించుకున్నప్పుడు.. ఆ విషయాన్ని ఇంట్లో చెప్పాను. మా నాన్న గారు అయితే నా నిర్ణయం చెప్పగానే జలస్ ఫీల్ అయ్యారు. ఎందుకుంటే నా ట్రాక్ ఆయనకు బాగా నచ్చింది (నవ్వుతూ). నాన్నగారు నాతో బాగా క్లోజ్ ఉంటారు. పెళ్లి వద్దన్న నన్ను చూసి.. ఇదేదో బాగానే ఉందే అనే ఫీలింగ్ ఆయనకు కలుగుతుందేమో అని నా అభిప్రాయం. నా నిర్ణయం పట్ల ఆయన హ్యాపీగానే ఉన్నారు.

ఒక ఏజ్ వచ్చిన తరువాత తీసుకునే నిర్ణయం కాదు ఇది. ఓపిక లేక తీసుకుంటారేమో పెళ్లి చేసుకోకూడదని.. కానీ నేను ఇప్పుడే తీసుకున్నా. పెళ్లి చేసుకోకూడదనే నిర్ణయం తీసుకోవడానికి పెద్ద కారణాలు ఏమీ లేవు. అనుభవంతోనే నిర్ణయాలు తీసుకోవడం అనేది మన భ్రమ తప్పితే రియాలిటీలో అలా ఉండదనేది నా ఫీలింగ్’ అంటూ తన పర్సనల్ లైఫ్ విషయాలను షేర్ చేసుకున్నారు అవసరాల శ్రీనివాస్.

అవసరాల మల్టీ టాలెంట్..
నటుడిగా.. దర్శకుడిగా.. రచయితగా తన మల్టీటాలెంట్‌తో కంటెంట్ ఉన్న కుర్రాడు అనిపించుకున్నారు అవసరాల శ్రీనివాస్. అష్టా-చమ్మా ద్వారా తెలుగు చిత్రసీమకు పరిచయమైన అవసరాల.. ఊహలు గుసగుసలాడే, జ్యో అచ్యుతానంద చిత్రాలకు దర్శకత్వం వహించారు.

అష్టా-చమ్మా, పిల్ల జమీందార్, అంతకు ముందు ఆ తరువాత, నాన్నకు ప్రేమతో, అ! వంటి చిత్రాల్లో తన విలక్షణ నటనతో ఆకట్టుకున్నారు అవసరాల. మెకానికల్ ఇంజనీరింగ్‌లో మాస్టర్స్ చేసిన అవసరాల.. స్క్రీన్ రైటింగ్, థియేటర్ ఆర్ట్స్‌లో అపారమైన అనుభవం ఉంది.