హార్ట్ ఎటాక్‌తో యువ నటుడి ఆకస్మిక మృతి!

కన్నడ చిత్ర పరిశ్రమకు చెందిన ప్రముఖ నటుడు ధ్రువ్ శర్మ ఆకస్మిక మరణం చెందారు. నటుడిగానే కాకుండా.. సెలబ్రిటీ క్రికెట్ లీగ్‌ (సీసీఎల్)లో కర్ణాటక బుల్డోజర్స్ తరఫున తనదైన ఆటతీరుతో అందరి హృదయాలను ఆకర్షించిన ధ్రువ్.. పిన్న వయసులోనే తిరిగిరాని లోకాలకు వెళ్లడం అందర్నీ కంటతడి పెట్టిస్తోంది. స్వల్ప అనారోగ్యంతో బెంగళూరులోని కొలంబియా ఆసియా ఆసుపత్రిలో చికిత్స పొందుతున్న అతడు.. మంగళవారం (ఆగస్టు 1) ఉదయం 3 గంటల ప్రాంతంలో హార్ట్ ఎటాక్ రావడంతో మరణించినట్లు వైద్యులు ధ్రువీకరించారు.

సరైన ఫిట్‌నెస్‌తో ఎప్పుడూ ఉల్లాసంగా ఉండే ధ్రువ్.. ఒక్కసారిగా కుప్పకూలిపోయి, ఆకస్మిక మరణం చెందాడనే వార్తను అతడి కుటుంబ సభ్యులు జీర్ణించుకోలేకపోతున్నారు. శనివారం (జులై 29) తన ఇంట్లో అచేతన స్థితిలో పడిపోయిన ధ్రువ్‌ను అతడి కుటుంబ సభ్యులు వెంటనే ఆసుపత్రికి తరలించారు. కుటుంబపరంగా, ఆర్థికంగా కొన్ని సమస్యలు ఎదర్కొంటుడం వల్ల అతడు ఆత్మహత్యకు పాల్పడ్డాడని వార్తలు కూడా చక్కర్లు కొట్టాయి.

ధ్రువ్ శర్మకు భార్య, ఇద్దరు కూతుళ్లు ఉన్నారు. ఆయన తల్లిదండ్రులు కూడా అతడిపై ఆధారపడి ఉన్నారు. సీసీఎల్ 6 సీజన్లలోనూ శాండిల్‌వుడ్‌కు చెందిన క్రికెట్ టీమ్.. కర్ణాటక బుల్డోజర్స్‌కు అతడు ప్రాతినిధ్యం వహించారు. ఆ జట్టుకు వైస్ కెప్టెన్‌గానూ వ్యవహరించారు.

Kannada actor Dhruv Sharma, who was also one of the star players of the Karnataka Bulldozers led by Kichcha Sudeep at the Celebrity Cricket League (CCL), passed away on Tuesday (August 1) morning.