ఆస్పత్రిపాలైన బాలీవుడ్ బహుముఖ ప్రజ్ఞాశాలి

బాలీవుడ్‌లో బహుముఖ ప్రజ్ఞాశాలిగా పేరున్న రచయిత, దర్శకుడు, నటుడు, కంపోజర్ అయిన నీరజ్ ఓరా అనారోగ్యంతో ఆస్పత్రిపాలయ్యారని తెలుస్తోంది. గుజరాతి న్యూస్ ఛానెల్ టీవీ9 వార్తా కథనాల ప్రకారం గురువారం ఓరాకు బ్రెయిన్ స్ట్రోక్ రావడంతో చికిత్స నిమిత్తం అతడిని ఢిల్లీలోని ఎయిమ్స్ ఆస్పత్రికి తరలించినట్టు సమాచారం అందుతోంది. ఓరాని పరిశీలించిన ఎయిమ్స్ డాక్టర్లు... "ప్రస్తుతం అతడి పరిస్థితి తీవ్ర విషమంగా వుందని, మరో 48 గంటలు గడిస్తే కానీ ఏమీ చెప్పలేం" అని చెప్పినట్టుగా టీవీ9 గుజరాతి పేర్కొంది.

గుజరాత్‌కి చెందిన నీరజ్ ఓరా... బాలీవుడ్ మూవీ 'రంగీలా'తో రచయితగా బాగా పేరు తెచ్చుకున్నారు. నటుడిగా, దర్శకుడిగా, నిర్మాతగా బాలీవుడ్ ఆడియెన్స్‌కి ఓరా సుపరిచితమే. 2000 సంవత్సరంలో ఖిలాడి 420 అనే చిత్రంలో దర్శకుడిగా మారిన ఓరాకు ఆ చిత్రం అంతగా పేరు తీసుకురాలేదు. ఆ తర్వాత 2006లో డైరెక్ట్ చేసిన ఫిర్ హెరా ఫెరి అనే కామెడి చిత్రం డైరెక్టర్‌గా అతడికి బాగా గుర్తింపుని తీసుకువచ్చింది.

CLICK HERE TO READ THIS NEWS IN GUJARATI ALSO:
http://navgujaratsamay.indiatimes.com/entertainment/bollywood/neeraj-vora-hospitalized-after-having-brain-stroke-according-to-tv-reports/articleshow/54959178.cms