మోహన్ బాబు ఇంట విషాదం.. మనోజ్ భావోద్వేగ ట్వీట్

సినీ నటుడు మోహన్ బాబు ఇంట్లో విషాదం నెలకొంది. ఆయన తల్లి మంచు లక్ష్మమ్మ (85) గురువారం ఉదయం ఆరు గంటలకు కన్ను మూశారు. తిరుపతిలోని ప్రైవేటు ఆస్పత్రిలో చికిత్స పొందుతూ ఆమె తుదిశ్వాస విడిచారు. ప్రస్తుతం విదేశాల్లో ఉన్న మోహన్ బాబు కుటుంబం లక్ష్మమ్మ మరణ వార్త వినగానే తిరిగి ఇండియాకు బయల్దేరింది. శుక్రవారం తిరుపతిలో ఆమె అంత్యక్రియలు నిర్వహిస్తారు.

ట్విట్టర్లో ఎప్పుడూ యాక్టివ్‌గా ఉండే హీరో మంచు మనోజ్ తన నానమ్మ మరణ వార్తను ధ్రువీకరించారు. ‘మా నానమ్మ లక్ష్మమ్మ గారు ఆ దేవుడి దగ్గరకు వెళ్లిపోయారు. నిన్ను మిస్సవుతున్నాం నాన్నమ్మ. ఇప్పుడు మేం ఇండియాలో లేకపోవడం తీవ్రంగా బాధిస్తోంది. ఇలా జరుగుతుందని అస్సలు ఊహించలేకపోయాం. తన ఆత్మకు శాంతి చేకూరాలి’ అని మంచో మనోజ్ ఉద్వేగంగా ట్వీట్ చేశారు.