Naga chaitanya: ఆ హీరోయిన్‌పై నాకు క్రష్.. ఆమె అంటే ఎంతో ఇష్టం: నాగ చైతన్య

యంగ్ హీరో అక్కినేని నాగ చైతన్య (Naga Chaitanya) పేరు ఇటీవలె నెట్టింట బాగా ట్రెండ్ అవుతోంది. ఇటీవలె ఆమిర్ ఖాన్ (Aamir Khan) లాల్ సింగ్ చడ్డా (Laal Singh Chaddha) మూవీలో చైతూ కీలక పాత్రలో నటించాడు. ఈ మూవీ ద్వారా బాలీవుడ్ ఎంట్రీ ఇచ్చిన అక్కినేని హీరో.. తాజాగా ఓ ఇంటర్వ్యూలో ఆసక్తికర విషయాలను పంచుకున్నాడు. బాలీవుడ్‌ సీనియర్ నటి, మాజీ మిస్ వరల్డ్ సుస్మితా సేన్‌ (Sushmita Sen) అంటే తనకు ఎంతో ఇష్టమంటూ చెప్పుకొచ్చాడు. ఆమె తన ఫస్ట్ క్రష్ అని.. ఇదే విషయాన్ని సుస్మితా సేన్‌‌కు చెప్పానని అన్నాడు.

బాలీవుడ్ హీరోయిన్స్ గురించి చెబుతూ.. తాను ఆలియా భట్‌‌ను అభిమానిస్తుంటానని అన్నాడు. ప్రతి మూవీలో ఆలియా యాక్టింగ్ సూపర్‌గా ఉంటుందన్నాడు. కత్రినాకైఫ్‌ అందంగా ఉంటుందని.. కెరీర్ పరంగా ప్రియాంక చోప్రాను స్ఫూర్తిగా తీసుకుంటాంటూ చెప్పుకొచ్చాడు. తనకు ఛాన్స్ వస్తే ఈ హీరోయిన్స్‌తో కలిసి నటిస్తానని అన్నాడు. హిందీలో మనం మూవీని రీమేక్ చేస్తే.. నీ పాత్రను ఎవరు పోషిస్తే బాగుంటుందని అడగ్గా.. రణ్బీర్ కపూర్ పేరును చెప్పాడు చైతూ.

కాగా.. ఇటీవలె నాగ చైతన్య నటించిన రెండు సినిమాలను అభిమానులను తీవ్రంగా నిరాశపర్చాయి. థ్యాంక్ యూ మూవీతో హిట్ కొడతాడని ఫ్యాన్స్ అంచనా వేసినా.. ఆ అంచనాలను అందులేకపోయింది. ఇక బాలీవుడ్‌లో తొలిసారి నటించిన లాల్ సింగ్ చడ్డా మూవీ రిజల్ట్ కూడా నిరాశకు గురి చేసింది. ఇందులో బాలరాజు క్యారెక్టర్‌లో చైతూ అలరించాడు. మూవీకి ఫస్ట్ డే నుంచే నెగిటివ్ టాక్ వచ్చినా.. ఈ సినిమాలో నాగ చైతన్య యాక్టింగ్‌కు మాత్రం మంచి మార్కులే పడ్డాయి. కాగా.. ఆమిర్ ఖాన్ కెరీర్‌లో బిగ్గెస్ట్ డిజాస్టర్ సినిమాలలో ఇది ఒకటిగా నిలిచిందని సినీ విశ్లేషకులు చెబుతున్నారు.