Krishna Vrinda Vihari ట్విట్టర్ రివ్యూ.. నాగశౌర్య ఖాతాలో హిట్ పడిందా..?

'ఊహలు గుసగుసలాడే', 'దిక్కులు చూడకు రామయ్య' వంటి వరుస సినిమా హిట్స్‌తో టాలీవుడ్‌లో మంచి పేరు తెచ్చుకున్నాడు యంగ్ హీరో నాగశౌర్య (Naga Shaurya). 'ఛలో' సినిమాతో బ్లాక్‌బస్టర్ అందుకుని మంచి ఫాలోయింగ్ ఏర్పరచుకున్నాడు. అయితే ఆ తరువాత ఈ కుర్ర హీరోకు ఏదీ కలిసిరాలేదు. వరుస చిత్రాలు నిరాశ పరిచాయి. ఎలాగైనా హిట్ కొట్టాలనే సంకల్పంతో 'కృష్ణ వ్రింద విహారి' (Krishna Vrinda Vihari) మూవీ ద్వారా ఆడియన్స్ ముందుకు వస్తున్నాడు. అనీష్‌ కృష్ణ దర్శకత్వంలో తెరకెక్కిన ఈ సినిమా నేడు (సెప్టెంబర్ 23) రిలీజ్ కాబోతుంది. ఇప్పటికే యూఎస్‌లో ప్రీమియర్స్ షోస్ చూసిన సినీ లవర్స్ ట్విట్టర్ (Krishna Vrinda Vihari Review) వేదికగా రివ్యూ ఇస్తున్నారు. వారి స్పందన ఎలా ఉందో ఓసారి చూద్దామా..!


కృష్ణ వ్రింద విహారి మూవీ కంప్లీట్ ఫ్యామిలీ ఎంటర్‌టైనర్‌ అని చెబుతున్నారు. స్టోరీ తెలిసినదే అయినా.. స్క్రీన్ ప్లే బాగుందంటున్నారు. ఇంటర్వెల్ ముందు వచ్చే ట్విస్ట్ కథను ములుపు తిప్పుతుందట. నాగశౌర్య ఎప్పటిలాగే కూల్ వైబ్‌తో ఆకట్టుకున్నాడని.. హీరోయిన్ షిర్లీ సెటియా తెరపై చాలా అందంగా కనిపించిందంటున్నారు. ఇద్దరి మధ్య రొమాంటిక్ సీన్స్ బాగున్నాయని.. ఫస్ట్ హాఫ్‌లో కామెడీ బాగా వర్కట్ అయిందని రివ్యూ ఇస్తున్నారు.


అయితే ఫస్ట్ హాఫ్‌తో పోలిస్తే.. సెకండాఫ్ పెద్దగా లేదని చెబుతున్నారు. స్టోరీ ఫ్లాట్‌గా సాగుతుందంటున్నారు. స్టోరీ లైన్ పాతదే అయినా.. స్క్రీన్ ప్లే గుడ్ అని అంటున్నారు. ఒకసారి హాయిగా చూడొచ్చని కామెంట్స్ చేస్తున్నారు. నాగశౌర్య గత నాలుగైదు సినిమాలకంటే ఈ మూవీ చాలా బాగుందంటున్నారు.



సినిమా కథ ఇంకాస్త బలంగా రాసుకుంటే బాగుండేదని ఆడియన్స్ రెస్పాన్స్ బట్టి తెలుస్తోంది. ఫస్ట్ హాఫ్ మొత్తం లవ్ ట్రాక్‌పైనే నడుస్తుందని.. అయితే కామెడీ సీన్స్ మాత్రం సూపర్‌గా ఉన్నట్లు టాక్ వస్తోంది. అనీష్‌ కృష్ణ టేకింగ్‌తో తన మార్క్ చూపించాడని చెబుతున్నారు. మహతి స్వర సాగర్‌ మ్యూజిక్ కూడా చాలా బాగుందని మెచ్చుకుంటున్నారు. ఓవరాల్‌గా కృష్ణ వ్రింద విహారి మూవీకి బ్లాక్‌బస్టర్ టాక్ కాకపోయినా.. పాజిటివ్ టాక్స్ వస్తున్నాయి. మరి కాసేపట్లో ఒరిజనల్ రివ్యూ రాబోతుంది.