వాళ్లు పెద్దవాళ్లంటే నా హార్ట్ ఒప్పుకోదు: నాగబాబు ఎమోషనల్ పోస్ట్

మెగాబ్రదర్ నాగబాబు పాలిటిక్స్‌లోనూ ఎంట్రీ ఇచ్చి ‘తమ్ముడు’ పార్టీలో చక్రం తిప్పుతున్నారు. గత ఎన్నికళ్లో ఈయనకు పరాభవం ఎదురుకావడంతో ఇక ఎన్నికల్లో పోటీ చేయనని అప్పుడేదో తమ్ముడు చెప్పాడు కనుక కాదనలేక ఎన్నికల్లో పోటీచేశానని.. ఇకపై ప్రత్యక్ష ఎన్నికల్లో పోటీ చేయనని చెప్పారు నాగబాబు. అయితే పార్టీకార్యక్రమాల్లో పాల్గొంటూ పార్టీ కోసం పనిచేస్తానని చెప్పారు నాగబాబు. ఇప్పుడు అదే పనిలో ఉన్న నాగబాబు.. యూట్యూబ్ ఛానల్ ద్వారా అభిమానులకు జనసైనికులకు అందుబాటులో ఉంటూ పార్టీ వ్యవహారాలతో పాటు.. తనకు తోచిన విషయాలను యూట్యూబ్ ద్వారా అభిమానులతో షేర్ చేసుకుంటున్నారు.

ఇక తన పర్శనల్ విషయాలను సైతం సోషల్ మీడియాలో షేర్ చేసుకుంటున్న నాగబాబు.. మెగా ప్రిన్స్ వరుణ్ తేజ్ చిన్ననాటి ఫొటోను విడుదల చేశారు. పాలబుగ్గలతో బోసినవ్వులు చిందిస్తున్న వరుణ్ చిన్ననాటి ఫొటోలో నాగబాబు సైతం ఉండటం.. ఆయన యంగ్ గెటప్‌లో గడ్డం పెంచుకుని మాస్ లుక్‌లో కనిపిస్తున్నారు. చిరునవ్వులు చిందిస్తున్న వరుణ్ తేజ్ చిన్ననాటి ఫొటోని ఎమోషనల్ కామెంట్‌ను యాడ్ చేశారు నాగబాబు.

‘నువ్వు ఇప్పుడు పెద్దవాడవయ్యావని తెలుసు.. కాని హృదయం దానిని అంగీకరించడం లేదు. మీరు ఎంత ఎదిగినా నాకు ఎప్పుడూ పసిబిడ్డలే’ అంటూ ఎమోషనల్ కామెంట్ చేశారు నాగబాబు.