హీరో నానికి పుత్రోదయం

నేచురల్ స్టార్ నానికి ఒకే రోజు రెండు పండుగలు కలిసి వచ్చాయి. ఈ ఉగాది పర్వదినాన నాని భార్య అంజన పండంటి బాబుకు జన్మనిచ్చారు. బుధవారం తెల్లవారుజామున ఓ ప్రైవేటు ఆసుపత్రిలో ప్రసవం జరిగింది. ఈ విషయాన్ని నాని పీఆర్వో ట్విట్టర్ లో తెలిపారు. వరుస విజయాలతో మంచి జోరు మీదున్న నానికి ఇది మరింత సంతోషాన్ని ఇచ్చే వార్త. మొన్నటి వరకు ఆయన నిన్ను కోరి సినిమా షూటింగ్ లో ఉన్నారు. భార్య ప్రసవం కోసం కొద్ది రోజులుగా సిటీలో ఉన్నారు.
2012లో నాని, అంజన ప్రేమ వివాహం చేసుకున్నారు. ఆర్జేగా ఉన్న సమయంలోనే వారికి పరిచయం అయ్యింది. సినిమాల్లోకి వచ్చాక... కెరీర్ పీక్ స్టేజ్ లోనే ఉన్నప్పుడే నాని వివాహం చేసుకున్నాడు.

నాని తండ్రవ్వడంతో... అతని కుటుంబంలో ఆనందం వెల్లివిరిసింది. సినీ ప్రముఖులెందరో అతనికి శుభాకాంక్షలు తెలియజేస్తున్నారు.
Congratulations to @NameisNani and @anjuyelavarthy for becoming proud parents today. A truly happy Ugadi for them 😀 — Mahesh S Koneru (@smkoneru) March 29, 2017