Nikhil Siddhartha: ఎట్టకేలకు కార్తికేయ-2 రిలీజ్ డేట్ ఫిక్స్.. గ్రాండ్‌గా వస్తున్న యంగ్ హీరో

యంగ్ హీరో నిఖిల్ సిద్దార్థ (Nikhil Siddhartha), అనుపమ పరమేశ్వరన్ (Anupama Parameswaran) జంటగా నటించిన మూవీ కార్తికేయ 2 (Karthikeya 2). చందు మొండేటి (Chandoo mondeti) డైరెక్షన్‌లో రూపొందిన ఈ సినిమా ఎట్టకేలకు రిలీజ్‌కు సిద్ధమైంది. గతేడాదే ఆడియన్స్ ముందుకు రావాల్సిన ఈ సినిమా.. కరోనా వేవ్స్ కారణంగా షూటింగ్ దశలోనే చాలా నెలలు వాయిదా పడుతూ వచ్చింది. అన్ని పనులు పూర్తి చేసుకుని జులై 22న రిలీజ్ చేస్తామని మూవీ మేకర్స్ ప్రకటించినా.. అది సాధ్యం కాలేదు.

తాజాగా కొత్త రిలీజ్ డేట్‌ను అనౌన్స్‌ చేశారు. ఆగస్టు 12 ప్రపంచవ్యాప్తంగా రిలీజ్ చేస్తున్నట్లు మూవీ మేకర్స్ ప్రకటించారు. ఇటీవలె తమిళం, కన్నడ, హిందీ, మలయాళం భాషల్లో ఈ సినిమా టీజర్‌ను లాంచ్ చేయగా.. ఇప్పుడు రిలీజ్ డేట్‌ను లాక్ చేశారు. 'మీ అందరి మద్దతు, ప్రేమ, శుభాకాంక్షలు వెల్లువెత్తుతున్నాయని నేను భావిస్తున్నాను. ఈ ఆగస్టు 12న లోడ్‌ని లాక్ చేసి బ్లాస్ట్ చేద్దాం.. వస్తున్నాం..' అంటూ హీరో నిఖిల్ సిద్దార్థ ట్వీట్ చేశాడు.

నిఖిల్ కెరీర్‌కు టర్నింగ్ పాయింట్‌గా నిలిచిన కార్తికేయ (Karthikeya) మూవీకి ఇది సీక్వెల్. ఇప్పటికే రిలీజ్ పోస్టర్లు, ట్రైలర్లు, సాంగ్స్ ఆడియన్స్‌కు బాగా కనెక్ట్ అయ్యాయి. వీటికి మంచి రెస్పాన్స్ వస్తుండడంతో ఈ యంగ్ హీరో ఖాతాలో భారీ హిట్ పడుతుందంటూ సినీ ప్రియులు అంచనా వేస్తున్నారు. అంతేకాకుండా అనుపమకు కూడా ఈ మూవీ కీలకంగా మారింది. ఈ సినిమా హిట్ కొడితే.. ఆమె కెరీర్‌ మళ్లీ సక్సెస్ ట్రాక్‌లో పడుతుంది.