Nithiin: మాస్ జాతర.. మాచర్ల నియోజకవర్గం మూవీ ట్విట్టర్ రెస్పాన్స్ ఇదే..

భీష్మ మూవీ విజయం తరువాత యంగ్ హీరో నితిన్ (Nithiin) ఖాతాలో సరైన హిట్ పడలేదు. గతేడాది చెక్, రంగ్ దే, మ్యాస్ట్రో వంటి సినిమాలతో వచ్చినా.. ఒక్కటి కూడా ప్రేక్షకులను మెప్పించలేదు. దీంతో ఈసారి ఎలాగైనా హిట్ కొట్టాలని కసితో.. పూర్తిగా లుక్ మార్చుకుని తన కెరీర్‌లో డిఫరెంట్ థిమ్ ఎంచుకున్నాడు. రాజ‌శేఖ‌ర్ రెడ్డి (Rajasekhar Reddy) దర్శకత్వంలో పొలిటికల్ బ్యాక్ డ్రాప్‌లో తెరకెక్కిన మూవీ 'మాచర్ల నియోజకవర్గం' (Macherla Niyojakavargam). కృతిశెట్టి (Krithi Shetty), కేథరిన్‌ థ్రెస్సా (Catherine Tresa) హీరోయిన్స్.

ఇప్పటికే రిలీజ్ అయిన ట్రైలర్ ఆకట్టుకోవడంతో భారీ అంచనాలు నెలకొన్నాయి. అందులోనూ పొలిటికల్ నేపథ్యం ఉండడంతో.. ప్రస్తుత రాజకీయాలపై ఏమైనా పాయింట్స్ చూపించారేమో అని ఇంట్రెస్ట్ కూడా ఆడియన్స్‌లో నెలకొంది. 'రారా రెడ్డి ఐ యామ్ రెడీ..' (Rara Reddy Song) అంటూ సాగే సాంగ్‌ కూడా యూట్యూబ్‌ను షేక్ చేయడంతో థియేటర్‌లో చూసేందుకు ఆసక్తి చూపిస్తున్నారు. ఈ నేపథ్యంలోనే నేడు (ఆగస్టు 12) ప్రేక్షకుల ముందుకు రానున్న మాచర్ల నియోజకవర్గం మూవీపై ట్విట్టర్‌లో రెస్పాన్స్ ఎలా ఉంది..? సినీ సెలబ్రిటీలు ఏమంటున్నారు..? ఓ లుక్కేద్దాం పదండి..

'థియేట్రికల్ ఎక్స్‌పీరియన్స్ అనేది మనందరికీ నచ్చుతుంది. నేను కూడా చాలా ఇష్టపడతాను. పక్కా మాస్ కమర్షియల్ ఎంటర్‌టైనర్‌తో మళ్లీ థియేటర్లలోకి వస్తున్నాను..' అంటూ హీరో నితిన్ ట్వీట్ చేశాడు. ఈ రోజు ఉదయం సంధ్య థియేటర్‌లో కలుద్దామంటూ పోస్ట్ చేశాడు.
మాచర్ల నియోజకవర్గం మూవీ టీమ్‌కు యంగ్ హీరోలు వరుణ్ తేజ్, సందీప్ కిషన్ ఆల్ ది బెస్ట్ చెబుతూ ట్వీట్స్ చేశారు. గత వారం బాక్సాఫీసు వద్ద మొదలైన విజయాన్ని మాచర్ల నియోజకవర్గం మూవీ కొనసాగించాలని కోరుకుంటూ సాయి ధరమ్ తేజ్ పోస్ట్ చేశాడు. కమెడియన్ వెన్నెల కిషోర్, డైరెక్టర్స్ హను రాఘవపూడి, బాబీ ఈ మూవీ హిట్ కొట్టాలని ఆకాంక్షిస్తూ.. నితిన్‌కు ఆల్ ది బెస్ట్ చెప్పారు.
అయితే యూఎస్‌లో అన్ని ప్రీమియర్ షో రద్దు అయినట్లు ప్రేక్షకులు ట్వీట్స్ చేస్తున్నారు. టికెట్స్ బుక్ చేసుకున్న వారికి డబ్బులు వెనక్కి ఇచ్చినట్లు చెబుతున్నారు. లిమిటెడ్ షోస్ వేస్తున్నారని.. అది కూడా కాస్తా ఆలస్యంగా స్టార్ట్ చేస్తున్నారని అంటున్నారు. మాస్ జాతర మరి కాసేపట్లో మొదలు కాబోతుందంటూ ట్విట్టర్‌లో నితిన్ ఫ్యాన్స్ హంగామా చేస్తున్నారు. మూవీ కోసం వెయిటింగ్ అంటూ ట్వీట్స్ చేస్తున్నారు. మాచర్ల నియోజకవర్గం మూవీ భారీ హిట్ కొడుతుందని ధీమా వ్యక్తం చేస్తున్నారు.