MAA Elections: త్వరలో ఆ పని చేస్తే మంచిది.. లేకుంటే..: ప్రకాష్ రాజ్ లేటెస్ట్ కామెంట్స్

ఎప్పటిలాగే ‘మా’ ఎన్నికల వ్యవహారం మరోసారి హాట్ హాట్ చర్చలకు తెరలేపింది. ఇప్పటిదాకా ఎన్నికలకు సంబంధించి ఎలాంటి అధికారిక ప్రకటన రాకపోయినా.. అధ్యక్ష పోటీలో ఐదుగురు బరిలోకి దిగడం సినీ వర్గాల్లో చాలా పెద్ద ఇష్యూ అయింది. అయితే ఈ పోటీలో విలక్షణ నటుడు ప్రకాష్ రాజ్, మంచు వారి వారసుడు మంచు చేస్తున్న కామెంట్స్ కొత్త చర్చలకు ఊతమిస్తున్నాయి. వాళ్ళిద్దరి మధ్య లోలోపల వార్ నడుస్తోందని తాజా పరిణామాలు చూస్తుంటే అర్థమవుతోంది.

ఇప్పటికే ఒకరిపై మరొకరు చేసుకుంటున్న వ్యాఖ్యలపై ఎన్నికలు వేడెక్కిపోయాయి. ప్రతీ రోజు ఎవరో ఒకరు కామెంట్ చేయడం అది వైరల్ కావడం జరుగుతోంది. తాజాగా అధ్యక్ష రేసులో ఉన్న ప్రకాష్‌రాజ్ పలు ఆసక్తికర వ్యాఖ్యలు చేశారు. ఈ ఎన్నికలు త్వరగా నిర్వహించాలని ఆయన కమటీని విజ్ఞప్తి చేశారు. క్రమశిక్షణ సంఘం అధ్యక్షుడు కృష్ణంరాజు అధ్యక్షతన జరిగిన ‘మా’ సర్వసభ్య సమావేశంలో ప్రకాశ్‌ రాజ్‌ పాల్గొన్నారు. వర్చువల్‌గా నిర్వహించిన ఈ సమావేశంలో ‘మా’లోని కీలకసభ్యులు అసోసియేషన్‌ ఎన్నికలపై , ‘మా’లోని సమస్యలు, ఇప్పటివరకూ చేపట్టిన అభివృద్ధి కార్యక్రమాలపై చర్చించారు.

ఈ సందర్భంగా ప్రకాష్ రాజ్ మాట్లాడుతూ.. ‘మా’ ఎన్నికలు త్వరగా నిర్వహించాలి అని లేని పక్షంలో ఇంకా చాలా సమస్యలు వస్తాయి అంటూ ఆయన పేర్కొన్నారు. ‘సినిమా బిడ్డలం‌’ పేరుతో ప్యానల్‌ ఏర్పాటు చేసి ఎన్నికల్లో పోటీకి ప్రకాశ్‌రాజ్‌ సర్వం సిద్ధం చేసుకున్నారు. ఇక మరో అభ్యర్థిగా ఉన్న మంచు విష్ణు.. ‘మా’ కోసం ఓ భవనం కట్టిస్తాను అంటూ సభ్యులు అందరికీ హామీ ఇచ్చారు. మిగితా అభ్యర్థులు ఈ రేంజ్‌లో ప్రచారం చేయడం లేదు.