Rana Daggubati: ఇన్‌స్టాగ్రామ్‌లో పోస్టులు డిలీట్ చేసిన రానా.. కారణం ఇదే..!

సెలబ్రిటీల పర్సనల్ లైఫ్ గురించి.. వారిమూవీస్‌ అప్‌డేట్స్, లేటెస్ట్ ఫొటోలు ఇలా ఏదైనా తెలుసుకోవాలంటే కేరాఫ్ అడ్రస్ సోషల్ మీడియా. ఈ స్మార్ట్ యుగంలో ఫ్యాన్స్‌కు, సినీ సెలబ్రిటీలకు సోషల్ మీడియా వారధిగా మారింది. అభిమానుల సందేహాలు.. సినీ తారాల సమాధానాలు మనకు ఇక్కడే దొరుకుతాయి. ఎప్పుడు సోషల్ మీడియాలో ఫ్యాన్స్‌తో టచ్‌లో ఉండే రానా దగ్గుబాటి (Rana Daggubati) తన ఇన్‌స్టాగ్రామ్ అకౌంట్ నుంచి పోస్టులు డిలీట్ చేశాడు. కొంతకాలం తాను సోషల్ మీడియాకు దూరంగా ఉంటానని ఆగస్టు 5న రానా చెప్పగా.. తాజాగా పోస్టులు మొత్తం తీసేశారు. ఎప్పుడు సోషల్ మీడియాలో యాక్టివ్‌గా రానా.. సడెన్‌గా పోస్టులు తీసివేయడం ఏంటి రిజన్ అని చర్చనీయాంశంగా మారింది.

వర్క్ ఇన్ ప్రొగ్రెస్ అంటూ ఆగస్టు 5న ఓ పోస్ట్ పెట్టిన రానా.. సోషల్ మీడియా నుంచి కొద్ది రోజులు రెస్ట్ తీసుకుంటున్నట్లు చెప్పాడు. మరింత భారీ, ఉత్తమమైన, శక్తిమంతమైన సినిమాలో త్వరలో కలుద్దామన్నాడు. అమితమైన ప్రేమతో రానా అంటూ ట్వీట్ చేశాడు. ఈ నేపథ్యంలో తాజాగా ఇన్‌స్టాగ్రామ్ నుంచి అన్ని పోస్టులు డిలీట్ చేశాడు.

ఇక సినిమాల విషయానికి వస్తే.. ఇటీవలె విరాటపర్వం మూవీతో ఆడియన్స్‌ను అలరించాడు రానా. కామ్రేడ్ రవన్నగా అందరిని మెప్పించాడు. నక్సలైట్ క్యారెక్టర్‌లో వెన్నెల (సాయి పల్లవి)తో కెమిస్ట్రీ ప్రేక్షకులకు బాగా కనెక్ట్ అయింది. ఆడియన్స్ నుంచి మంచి రెస్పాన్స్ వచ్చినా.. బాక్సాఫీసు వద్ద వసూళ్లు రాబట్టలేకపోయింది. ప్రస్తుతం విక్టరీ వెంకటేష్‌తో కలిసి 'రానానాయుడు' వెబ్ సిరీస్ చేస్తున్నాడు. హిరణ్యకశ్యప మూవీలో నటిస్తున్నట్లు రానా గతంలోనే ప్రకటించాడు.