Sharwanand: ఒకే ఒక జీవితం ట్రైలర్.. కాలం మొత్తం చుట్టేద్దాం..

టాలీవుడ్ యంగ్ హీరో శ‌ర్వానంద్ (Sharwanand) మరో మూవీతో ఆడియన్స్‌ను అలరించేందుకు సిద్ధమయ్యాడు. ఒకే ఒక జీవితం (Oke Oka Jeevitham) మూవీ ద్వారా బాక్సాఫీసు వద్ద సందడి చేయనున్నాడు. నూతన దర్శకుడు శ్రీకార్తీక్ డైరెక్షన్‌లో రూపొందిన ఈ మూవీలో రీతూ వర్మ (Ritu Varma) హీరోయిన్‌గా యాక్ట్ చేస్తోంది. అమల అక్కినేని, వెన్నెల కిషోర్, ప్రియదర్శి, నాజర్ తదితరులు కీలక పాత్రలు పోషిస్తున్నారు. సెప్టెంబర్ 9న ఈ సినిమా రిలీజ్ కానుండగా.. తాజాగా ట్రైలర్ విడుదల చేశారు మూవీ మేకర్స్.

ఇక ట్రైలర్‌ను చూస్తుంటే టైమ్ ట్రావెల్ బ్యాక్‌డ్రాప్‌లో ఫ్యామిలీ డ్రామా ఎంటర్‌టైనర్‌గా రూపొందించినట్లు అర్థమవుతోంది. మ్యూజిక్ కాంపిటేష‌న్‌ కోసం ప్రిపేర్ అవుతున్న యువకుడి క్యారెక్టర్‌లో శ‌ర్వానంద్ కనిపించాడు. మ్యారేజ్ బ్రోక‌ర్‌గా వెన్నెల కిషోర్, పర్‌ఫెక్ట్ అమ్మాయిని పెళ్లి చేసుకునే యువకుడిగా ప్రియ‌ద‌ర్శి కామెడీ టైమింగ్ ఆకట్టుకుంది. శర్వానంద్ తల్లిగా సీనియర్ నటి అక్కినేని అమల యాక్ట్ చేశారు. సైంటిస్ట్‌గా నాజర్ క‌నిపించ‌నున్నారు.

ఎన్నో రోజులుగా సరైన హిట్ కోసం ఎదురుచూస్తున్న శర్వానంద్ సరికొత్త కాన్సెప్ట్‌ను ఎంచుకున్నట్లు తెలుస్తోంది. టైమ్ ట్రావెల్ మిషన్‌తో మళ్లీ బాల్యంలోకి తీసుకువెళ్లినట్లు అర్థమవుతోంది. డ్రీమ్ వారియ‌ర్స్ పిక్చర్స్ ప‌తాకంపై ఎస్‌ఆర్ ప్రకాష్ బాబు, ఎస్‌ఆర్ ప్రభు ఒకే ఒక జీవితం మూవీని నిర్మించారు. తమిళంలో కణం పేరుతో రిలీజ్ చేయనున్నారు. సినిమాటోగ్రాఫర్‌గా సుజిత్ సారంగ్ వర్క్ చేయగా.. శ్రీజిత్ సారంగ్ ఎడిటర్‌గా బాధ్యతలు నిర్వహిస్తున్నారు.