Vada Chennai: బెడ్రూమ్ సీన్స్ ఆఫర్లే ఎక్కువగా వస్తున్నాయి: ఆండ్రియా

తమిళ సినీ పరిశ్రమలో సింగర్‌గా అడుగుపెట్టి నటిగా మారింది ఆండ్రియా జెరెమియా. 'కండనాల్‌ ముదల్‌' అనే చిత్రం ద్వారా కోలీవుడ్‌లోకి ఎంట్రీ ఇచ్చిన ఈ అమ్మడు ఆ తర్వాత 'పచ్చైకిళి ముత్తుచరం'లో శరత్‌కుమార్‌కు జంటగా నటించింది. కార్తీతో 'ఆయిరత్తిల్‌ ఒరువన్'(యుగానికొక్కడు) చిత్రంలో నటించి తమిళ ప్రేక్షకులను బాగా ఆకట్టుకుంది. కమల్‌తో ‘విశ్వరూపం’ చిత్రంలో నటించింది. ఆమె నటించిన సినిమాల్లో చాలావరకు తెలుగులోనూ డబ్ కావడంతో టాలీవుడ్ ప్రేక్షకులకూ ఆమె సుపరిచితమే.

Also Read: వ్యభిచారం కోసం వాట్సాప్ గ్రూపు.. మరిన్ని చిక్కుల్లో రాగిణి, సంజనా

గతంలో యంగ్ మ్యూజిక్ డైరెక్టర్ అనిరుధ్‌తో రొమాన్స్ చేసిన ఫోటోలు సోషల్‌మీడియాలో చక్కర్లు కొట్టాయి. యాక్టింగ్‌తో పాటు హాట్‌ హాట్ సీన్లలోనూ ఆండ్రియా ఇతర హీరోయిన్లకు పోటీ పడుతుంటుంది. ఈ కోవలోనే ‘వడచెన్నై’ సినిమాలో బెడ్రూమ్ సన్నివేశాల్లో రెచ్చిపోయి నటించింది. అయితే ఆ సీన్లలో చాలావరకు ఎడిటింగ్‌లో తీసేశారు. కానీ అవన్నీ ఆ తర్వాత సోషల్‌మీడియాలో లీక్ కావడంతో ఆండ్రియా దిగ్భ్రాంతి చెందింది.

Also Read: బాలీవుడ్ డ్రగ్స్‌ కేసులో షాకింగ్ ట్విస్ట్... తెరపైకి ముగ్గురు స్టార్ హీరోలు
ఈ సందర్భంగా ఆండ్రియా మాట్లాడుతూ ‘వడచెన్నై’ చిత్రంలో పడక సీన్లలో నటించి తప్పుచేశానని, అప్పటి నుంచి బెడ్‌రూమ్‌ సీన్లతో ఉన్న సినిమాల్లో నటించే అవకాశాలే ఎక్కువగా వస్తున్నాయని ఆవేదన వ్యక్తం చేసింది. మంచి పాత్రలకు సంబంధించి ఆఫర్లు వస్తే రెమ్యునరేషన్ తగ్గించుకోవడానికి కూడా తాను సిద్ధంగా ఉన్నానని ఆండ్రియా తెలిపింది.

Also Read: కృష్ణా నదికి వరదలు.. కొట్టుకుపోయిన హీరో శర్వానంద్ తాత ఇల్లు