టాలీవుడ్‌లో పెరిగిపోయిన అనుపమ క్రేజ్.. రెమ్యూనరేషన్ పెంచేసిన బ్యూటీ

టాలీవుడ్‌లో అనుపమ పరమేశ్వరన్ (Anupama Parameswaran) ఇప్పుడు క్రేజీ హీరోయిన్‌గా మారిపోయింది. ఈ ఏడాది యంగ్ హీరో నిఖిల్ సిద్ధార్థ్‌తో కలిసి రెండు సినిమాల్లో అనుపమ నటించగా.. రెండూ హిట్‌గా నిలిచాయి. ఇందులో ‘కార్తికేయ-2’ మూవీ పాన్ ఇండియా రేంజ్‌లో సక్సెస్ అయ్యి వసూళ్ల వర్షం కురిపించింది. అయితే ఆ తర్వాత వచ్చిన ‘18 పేజీస్’ మాత్రం ఆ రేంజ్‌లో హిట్ అవలేదు. కానీ అనుపమకి మాత్రం మంచి పేరు తీసుకొచ్చింది. ఈ నేపథ్యంలో ఈ ముద్దుగుమ్మ తన రెమ్యూనరేషన్‌ని డబుల్ చేసేసినట్లు టాలీవుడ్‌లో టాక్ వినిపిస్తోంది.

సినిమా పోల్ 2022: మిమ్మల్ని మెప్పించిన నటి ఎవరు?.. క్లిక్ చేసి ఓటేయండి
వాస్తవానికి ఐదేళ్ల క్రితం వచ్చిన ‘శతమానం భవతి’ మూవీతో తెలుగులో అనుపమ పరమేశ్వరన్ పాపులర్ అయ్యింది. కానీ ఆ తర్వాత ఈ అమ్మడికి పెద్ద సినిమాల్లో అవకాశం రాలేదు. చేసిన కొన్ని సినిమాలు బాక్సాఫీస్ వద్ద బోల్తా కొట్టాయి. దాంతో ఒకానొక దశలో టాలీవుడ్‌ని వదిలేసి.. కోలీవుడ్‌కి ఈ భామ షిప్ట్ అయ్యింది. అక్కడ ధనుష్‌తో సినిమాలు చేసినా ఈ అమ్మడికి అవి కలిసిరాలేదు. దాంతో ఇక ఆమె కెరీర్ ముగిసిపోయిందనే ఊహాగానాలు అప్పట్లో వినిపించాయి. 2018లో వచ్చిన ‘తేజ్’, 2019లో వచ్చిన రాక్షసుడు సినిమాల్లో నటనకి అవకాశం ఉన్న పాత్రలే దక్కాయి. కానీ పేరు తెచ్చిపెట్టలేకపోయాయి. ధనుష్‌ సరసన చేసిన ‘కోడి’ మూవీ హిట్ అయినా.. అందులో త్రిష ఉండటంతో అనుపమని సెకండ్ హీరోయిన్‌గానే ట్రీట్ చేశారు. ఓవరాల్‌గా ఇన్నాళ్లు ఇండస్ట్రీలో ఓ మోస్తరు రెమ్యూనరేషన్‌ని తీసుకుంటూ దొరికిన సినిమాల్ని చేసిన అనుపమ.. ఇప్పుడు క్రేజ్ పెరగడంతో తన రెమ్యూనరేషన్‌ని డబుల్ చేసేసిందట.

గత ఏడాది వరకూ అనుపమ పరమేశ్వరన్ (Anupama Parameswaran remuneration) ఒక్కో సినిమాకి రూ.50-60 లక్షలు తీసుకునేదని.. ఇప్పుడు రూ.1.20 కోట్లని డిమాండ్ చేస్తున్నట్లు టాలీవుడ్‌లో జోరుగా ప్రచారం జరుగుతోంది. అంతేకాదు.. మునుపటిలా అవకాశం దొరికిన సినిమాల్ని అనుపమ చేయడం లేదు. తనకి నచ్చి.. నటనకి స్కోప్ ఉండి.. పేరు వస్తుందని అనుకునే సినిమాలకి మాత్రమే సైన్ చేస్తోంది. ఈ క్రమంలోనే ఇటీవల సిద్ధు జొన్నలగడ్డ ‘డీజే స్వ్కేర్’ నుంచి కూడా ఈ భామ తప్పుకుంది. ఈ ఏడాది సూపర్ హిట్‌గా నిలిచిన డీజే మూవీకి ఇది సీక్వెల్. తొలుత ఈ మూవీ చేసేందుకు ఒప్పుకున్న అనుపమ ఆ తర్వాత సడన్‌గా తప్పుకుంది.

Read Latest Telugu Movies News , Telugu News