చైతూ సరసన బాలీవుడ్ హీరోయిన్!

నాగచైతన్య అప్‌కమింగ్ ఫిలిం సవ్యసాచికి హీరోయిన్ కన్ఫర్మ్ అయింది. బాలీవుడ్‌లో మున్నా మైఖెల్ సినిమాతో సినీపరిశ్రమకు పరిచయం అయిన నిధి అగర్వాల్‌ని చైతూ సరసన హీరోయిన్‌గా తీసుకున్నారు ఆ సినిమా మేకర్స్. చందూ మొండేటి డైరెక్ట్ చేస్తోన్న ఈ సినిమాకు సంబంధించిన టెస్ట్ షూటింగ్ ఇటీవలే లాంచ్ అయింది. సమంతతో కలిసి ఈమధ్యే హనీమూన్ పూర్తి చేసుకుని ఇండియాకి తిరిగొచ్చిన చైతూ ప్రస్తుతం ఈ టెస్ట్ షూట్‌లో పాల్గొంటున్నాడు. త్వరలోనే సవ్యసాచి రెగ్యులర్ షూటింగ్ మొదలు కానుంది. ప్రముఖ మ్యూజిక్ కంపోజర్ ఎంఎం కీరవాణి ఈ సినిమాకు మ్యూజిక్ అందిస్తున్నారు.

బెంగుళూరుకి చెందిన నిధి అగర్వాల్ మొదట మోడల్‌గా కెరీర్ మొదలుపెట్టి ఆ తర్వాత మున్నా మైఖెల్ సినిమాలో హీరోయిన్‌గా ఛాన్స్ సొంతం చేసుకుంది. అన్నట్టు నిధి అగర్వాల్ యాక్టింగ్‌లోనే కాదు... డ్యాన్సింగ్ లోనూ దిట్టే. బ్యాలెట్, కథక్, బెల్లీ డ్యాన్సుల్లో నిధికి ప్రావిణ్యం వుంది.