Actress Geetha: కృష్ణంరాజు వల్లే ఇండస్ట్రీకి వచ్చా.. ఆయన లేకపోవడం బాధగా ఉంది: సీనియర్ నటి గీత కన్నీటి పర్యంతం

రెబల్ స్టార్ కృష్ణంరాజు (Krishnam Raju) వల్లే తాను ఇండస్ట్రీకి వచ్చానని సీనియర్ నటి గీత (Actress Geetha) అన్నారు. ఆలీతో సరదాగా షో (Alitho Saradaga Show)కు గెస్ట్‌గా వచ్చి ఆమె.. అనేక విషయాలను పంచుకున్నట్లు తెలుస్తోంది. ఇందుకు సంబంధించిన ప్రోమోను నిర్వాహకులు రిలీజ్ చేశారు. 'డ్యాన్స్ రాదంటున్నారు.. సాగర సంగమంలో కమల్ హాసన్ పక్కన ఎలా చేశారు..?' అని ఆలీ ప్రశ్నించగా.. ఆ సినిమాలో తానేక్కడ డ్యాన్స్ చేశానని.. ఆయనే (కమల్ హాసన్) చేశారని అన్నారు. తాను కేవలం పరిగెత్తుకుంటూ వెళ్లానని నవ్వుతూ చెప్పారు.

'చిరంజీవి గారితో సినిమాలో నటించాలనే కోరిక ఉండేపోయింది. నా ఆల్ టైమ్ ఫేవరెట్ హీరో ఆయన. ఒక్కడు సినిమాతో సెకెండ్ ఇన్నింగ్స్ ప్రారంభించా. ఓ సినిమాలో మహేష్ బాబు కృష్ణుడు వేషం వేశారు. షూటింగ్‌కు అప్పుడు వాళ్ల అమ్మమ్మ వచ్చేది. మహేష్ బాబు పెద్ద హీరో అవుతాడని ఆవిడ అప్పుడే చెప్పారు. ఆమె చెప్పినట్లు ఆయన ఈరోజు పెద్ద హీరో అయ్యారు.

శోభన్ బాబు గారితో చాలా సినిమాలు చేశా. అప్పుడు డైలాగ్స్ చేతి మీద రాసుకుని చెప్పేదాన్ని. ఏడుస్తూ తలదించుకుని డైలాగ్స్ చూసి చెబితే.. అదో యాక్టింగ్ అనేశారు అప్పుడు. ఇప్పుడు అందరూ హీరోయిన్స్ ప్రమోటింగే. యాస్ చెప్పాలన్నా ప్రమోటింగ్ అడుగుతున్నారు.

నేను తెలుగు ఇండస్ట్రీకి రావడానికి కారణం కృష్ణంరాజు గారు. ఆయన ఈరోజు లేరంటే మనసుకు చాలా బాధగా ఉంది. అందరి వచ్చి ఏదో ఒక రోజు వెళతారు. ఆయన లేకపోవడం బాధిస్తోంది..' అంటూ ఆమె కన్నీటి పర్యంతం అయ్యారు. ఇందుకు సబంధించిన ప్రోమో వైరల్ అవుతోంది.

ప్రోమో కోసం ఇక్కడ క్లిక్ చేయండి.