‘బొమ్మరిల్లు’ భామ రీ ఎంట్రీ!

‘బొమ్మరిల్లు’ చిత్రంలో హాసినిగా తెలుగు ప్రేక్షకులకు చేరువైన జెనీలియా రెడీ, ఢీ చిత్రాలతో తనదైన నటనతో టాలీవుడ్‌లో ఓ వెలుగు వెలిగింది. రితేష్‌తో వివాహం అనంతరం సినిమాలకు దూరంగా ఉంది. అయితే లాంగ్ గ్యాప్ తరువాత ఈ బబ్లీ గర్ల్ ముఖానికి రంగేసుకునేందుకు రెడీ అవుతున్నట్లు ప్రకటించింది. త్వరలో తెలుగు, తమిళ భాషల్లో వరుస చిత్రాల్లో నటించేందుకు కథలు వినే పనిలో ఉన్నానని.. ప్రస్తుతం ఓ మరాఠి మూవీలో నటిస్తున్నట్లు తెలిపింది.

రితేష్‌తో పెళ్లి తరువాత నటించాలా వద్దా అనే విషయంలో తనకు పూర్తి స్వేచ్ఛ ఉందని.. మంచి కథ దొరికితే నటిస్తానని పెళ్లి సమయంలోనే చెప్పానన్నారు. ఇప్పుడు తనకు ఇద్దరు పిల్లలు ఉన్నా.. లైఫ్‌ని బ్యాలెన్స్ చేసుకుని తనకు నచ్చిన రంగంలో ముందుకు వెళ్లేందుకు ప్లాన్ చేసుకుంటునట్టు మీడియాకు వివరించింది జెనీలియా. సో.. లాంగ్ గ్యాప్ తరువాత రీ ఎంట్రీ ఇస్తున్న ఈ సీనియర్ భామ రీ ఎంట్రీ గ్రాండ్‌గా ఉండేందుకు ఓ బడా నిర్మాత టచ్‌లో ఉన్నట్లు టాలీవుడ్‌లో టాక్ నడుస్తోంది.