సౌత్ నుంచి టాప్ ప్లేస్ కొట్టేసిన కాజల్.. ఆమిర్ ఖాన్ తరువాత బన్నీనే..!

వరల్డ్ వైడ్‌గా గూగుల్‌ సెర్చ్‌లో టాప్ మోస్ట్ ఏసియన్స్ లిస్ట్ రిలీజ్ అయింది. మొదటి స్థానంలో V అనే కొరియన్ మ్యూజిక్ అల్బమ్ నిలిచింది. ఇందులో ఇండియా నుంచి కత్రినా కైఫ్ మొదటి స్థానంలో.. మొత్తంగా మూడోస్థానం దక్కించుకుంది. సౌత్ నుంచి కాజల్ అగర్వాల్ టాప్ ప్లేస్‌ను దక్కించుకుంది. ఓవరాల్‌గా ఆమె 11వ స్థానంలో నిలిచింది. కాజల్ తరువాత సమంత (18), రష్మిక మందన్న (25) నిలిచారు. ఇటీవల కుమారుడికి జన్మనిచ్చిన కాజల్ గురించి ఎక్కువ సెర్చ్ చేయగా.. నాగ చైతన్యతో విడాకుల తరువాత సమంత గురించి వార్తలు ఓ రేంజ్‌లో వైరల్ అయ్యాయి. ఇక పుష్ప సినిమా హిట్‌తో రష్మిక మందన్న పాన్ ఇండియా లెవల్లో ఫ్యాన్ ఫాలోయింగ్ సంపాదించుకుంది.

బాలీవుడ్ నుంచి షారూక్ ఖాన్, సల్మాన్ ఖాన్ టాప్‌లో నిలవగా.. మొత్తంగా 8,9 స్థానాల్లో నిలిచారు. టాలీవుడ్ నుంచి ఐకాన్ స్టార్ అల్లు అర్జున్ టాప్ ప్లేస్‌ దక్కించుకున్నాడు. ఓవరాల్‌గా 39వ స్థానంలో నిలిచిన బన్నీ.. ఆమిర్ ఖాన్ (38) తరువాతి ప్లేస్‌లో దక్కించుకున్నాడు. టాప్-100లో టాలీవుడ్ నుంచి సూపర్ స్టార్ మహేష్ బాబు, పాన్ ఇండియా స్టార్ ప్రభాస్, విజయ్ దేవరకొండ కూడా చోటు దక్కించుకున్నారు. కోలీవుడ్ నుంచి సూర్య టాప్ ప్లేస్‌లో నిలవగా.. ఓవరాల్‌గా 55వ స్థానంలో నిలిచాడు. ఇటీవల విక్రమ్ మూవీ బ్లాక్‌బస్టర్ హిట్ అందుకున్న లోకనాయకుడు కమల్ హాసన్‌ కూడా టాప్-100లో స్థానం దక్కింది.