దక్షిణాది సినీనటి కిడ్నాప్... విడుదల

తెలుగులోనూ కొన్ని సినిమాల్లో నటించిన ఓ మలయాళ హీరోయిన్ కిడ్నాప్‌కు గురయ్యారు. అనంతరం లైంగిక వేధింపుల పాలయ్యారు. దుండగులు ఆమెను కాసేపటి తరువాత వదిలేయడంతో ఆమె కుటుంబం ఊపిరి పీల్చుకుంది. జరిగిన ఘటనపై ఆ హీరోయిన్ పోలీసులకు ఫిర్యాదు చేసింది. పోలీసులు చెప్పిన వివరాల ప్రకారం... కేరళలోని ఎర్నాకులంలో సినిమా చిత్రీకరణలో పాల్గొని వెళ్తున్న క్రమంలో ఈ దాడి జరిగినట్టు తెలుస్తోంది.

దారి మధ్యలో కొందరు దుండుగులు ఆమె కారును అడ్డగించారు. బలవంతంగా కారు తలుపులు తీసి అందులోకి చొరబడ్డారు. ఒక దుండగుడు కారు డ్రైవ్ చేస్తుండగా... మిగతావారు ఆమెపై లైంగిక వేధింపులకు పాల్పడ్డారు. కారును దారి మళ్లించి 25 కిలోమీటర్లు వరకు తీసుకెళ్లారు. కారులో ఆమె ఫోటోలు, వీడియోలు దుండగులు చిత్రీకరించారు. అనంతరం కారును ఆపి... దిగి పారిపోయారు. ఆమె అక్కణ్నించి తన కారులో పోలీస్ స్టేషన్ కు వచ్చి ఫిర్యాదు చేసింది. దుండగులలో ఒకరు తన వద్ద పనిచేసి మానేసిన డ్రైవర్ మార్టిన్, సునీల్ అని పోలీసులకు తెలిపింది. దీంతో పోలీసులు మార్టిన్ ను అదుపులోకి తీసుకున్నారు.