కోవై సరళను చూశారా.. ఇలా మారిపోయిందేంటి?!

తెలుగులో లేడీ కమెడియన్ పేరు చెప్పగానే వెంటనే గుర్తొచ్చే పేరు కోవై సరళ. ఆమె మాట తీరు.. ఆమె నటన తెలుగు ఆడియోన్స్‌కు ఎప్పుడు కళ్ల ముందు అలా కనబడుతూనే ఉంటుంది. ముఖ్యంగా స్టార్ కామెడియన్ బ్రహ్మానందంతో కోవై సరళ సృష్టించిన నవ్వుల సునామీని ఎవరూ అంతా ఈజీగా మార్చిపోలేరు. తమిళనాడులో పుట్టినా.. తెలుగు సినిమాలతో టాలీవుడ్ ప్రేక్షకులకు ఎంతో దగ్గరయ్యారు. ఆడియోన్స్ నవ్వించడంలో లేడీ క్వీన్‌గా ఆమెకు పేరుంది. అయితే కోవై సరళ గత కొద్ది కాలంగా టాలీవుడ్‌కు దూరమయ్యారు. తమిళ సినిమాల్లోనే ఎక్కువగా నటిస్తున్నారు. 2019లో వచ్చిన అభినేత్రి అభినేత్రి 2 మూవీతో తెలుగు ఆడియోన్స్‌ను పలకరించిన ఆమె.. తాజాగా మరో కొత్త చిత్రంతో వస్తున్నారు. ఇన్నాళ్లు ఆమెను కామెడీ యాంగిల్ చూసిన.. కొత్త లుక్‌లో చూసి షాక్‌కు గురవ్వడం మాత్రం ఖాయం. ఎందుకంటే అంతలా ఆమె ఛేంజ్ అయ్యారు.

'అరణ్య' సినిమాతో టాలీవుడ్‌లో పేరు సంపాదించుకున్న డైరెక్టర్ ప్రభు సాల్మన్.. కోవై సరళను సరికొత్తగా చూపిస్తున్నారు. ఆయన దర్శకత్వం వహిస్తున్న 'సెంబి' ఫస్ట్ లుక్ పోస్టర్‌ను తాజాగా విడుదల చేశారు. ఇందులో కోవై సరళ లూక్ అందరనీ ఆశ్చర్యపరుస్తోంది. రఫ్ లుక్‌లో తలకు క్లాత్ చుట్టుకుని.. చిన్నారిని అక్కున చేర్చుకుని ఉన్న కోవై సరళ పోస్టర్‌ను మూవీ యూనిట్ రిలీజ్ చేసింది. సడెన్‌గా చూసిన సినీ అభిమానులకు ఇంతకు ఈమె కోవై సరళేనా.. లేక ఎవరైనా.. అని అనుమానం వచ్చేలా డైరెక్టర్ లుక్ మార్చేశారు.

ఇన్నాళ్లు కామెడీ రోల్స్‌లో ఆడియోన్స్‌ను అలరించిన కోవై సరళ.. తొలిసారి సీరియస్ పాత్రలో నటిస్తున్నట్లు టాక్. ఓ బస్ ప్రయాణం నేపథ్యంలో 'సెంబి' సినిమా సాగుతుందని తెలిసింది. తెలుగు, తమిళ భాషల్లో ఈ సినిమా తెరకెక్కుతోంది. చాలా గ్యాప్‌ తరువాత మళ్లీ రీఎంట్రీ ఇస్తున్న కోవై సరళ.. సరికొత్త పాత్రలో ప్రేక్షకులను ఎలా మెప్పిస్తారో చూడాలి మరి.