Happy Birthday Trailer ట్రైలర్.. నవ్వులతో ముంచెత్తిన గన్ కల్చర్ కామెడీ
హ్యాపీ బర్త్ డే మూవీ ట్రైలర్ వచ్చేసింది. టీజర్తోనే నవ్వులు పూయించిన ఈ సినిమా.. ట్రైలర్లో అంతకుమించిన డైలాగ్స్తో కామెడీని పండించింది. జులై 15న ఈ మూవీ విడుదల కానుంది.
ప్రధానాంశాలు:
- హ్యాపీ బర్త్ డే మూవీ ట్రైలర్ రిలీజ్
- ఆకట్టుకుంటున్న డైలాగ్స్
- జులై 15న మూవీ విడుదల
'ఇంటింటికి గన్.. ఎదురులేని ఫన్' అంటూ టీజర్తో నవ్వించిన 'హ్యాపీ బర్త్ డే' మూవీ నుంచి తాజాగా ట్రైలర్ వచ్చేసింది. రితేశ్ రానా డైరెక్షన్లో తెరకెక్కిన ఈ సినిమాలో లావణ్య త్రిపాఠి కీలక పాత్రలో నటించింది. గన్ కల్చర్కు కామెడీని మిక్స్ చేసి తెరకెక్కిన ఈ సినిమా జులై 15న థియేటర్లలో సందడి చేయనుంది. కమెడియన్లు వెన్నెల కిషోర్, సత్య, నరేష్ అగస్త్య ఇతర పాత్రలు పోషించారు. మైత్రీ మూవీ మేకర్స్ ఈ సినిమాను నిర్మించింది.
ట్రైలర్ విషయానికి వస్తే.. ప్రతి ఒక్కరి చేతికి గన్ వస్తే ఎలా ఉంటుందనే కాన్సెప్ట్ తీసుకున్నట్లు తెలుస్తోంది. 'నా ఏడు వారాల నగలతో చేయించాను.. నేను నా రవ్వలతో నెక్లెస్తో చేయించా..' ఇద్దరు మహిళలు గన్ల గురించి చెప్పే డైలాగ్తో ట్రైలర్ స్టార్ట్ చేశారు. 'ఆవేశం అగ్గిపుల్ల లాంటిది ఒక్కసారే వెలిగించొచ్చు. కానీ ఆశయం లైటర్ లాంటిది.. ఎన్నిసార్లు అయినా వెలిగించొచ్చు..' అని చెప్పే డైలాగ్ ఆకట్టుకుంది. ‘మత్తు వదలరా’ మూవీతో హిట్ అందుకున్న డైరెక్టర్ రితేష్ రానా.. 'హ్యాపీ బర్త్ డే' సినిమాతో ఆడియన్స్ను నవ్వించేందుకు రెడీ అవుతున్నాడు. కథలోని ప్రతి పాత్రతో గన్ పట్టించాడు. డిఫరెంట్ స్టోరీ లైన్తో తెరకెక్కిన ఈ సినిమా.. ప్రేక్షకులను అలరిస్తుందో లేదో వేచిచూడాలి మరి..!
ట్రైలర్ విషయానికి వస్తే.. ప్రతి ఒక్కరి చేతికి గన్ వస్తే ఎలా ఉంటుందనే కాన్సెప్ట్ తీసుకున్నట్లు తెలుస్తోంది. 'నా ఏడు వారాల నగలతో చేయించాను.. నేను నా రవ్వలతో నెక్లెస్తో చేయించా..' ఇద్దరు మహిళలు గన్ల గురించి చెప్పే డైలాగ్తో ట్రైలర్ స్టార్ట్ చేశారు. 'ఆవేశం అగ్గిపుల్ల లాంటిది ఒక్కసారే వెలిగించొచ్చు. కానీ ఆశయం లైటర్ లాంటిది.. ఎన్నిసార్లు అయినా వెలిగించొచ్చు..' అని చెప్పే డైలాగ్ ఆకట్టుకుంది.