పవన్‌కు హీరోయిన్ మద్దతు.. ఇవాళ మౌనదీక్ష

పవన్‌పై శ్రీరెడ్డి చేసిన వ్యాఖ్యలపై దుమారం రేగుతూనే ఉంది. ఈ ఎపిసోడ్‌లో ఫ్యాన్స్‌తో పాటూ... మెగా హీరోలు కూడా పవన్‌కు మద్దతుగా నిలిచారు. ఆ లిస్ట్‌లో ఇప్పుడు హీరోయిన్ మాధవీలత కూడా చేరారు. శ్రీరెడ్డి కామెంట్స్‌పై నిరసన తెలిపేందుకు ఓ అడుగు ముందుకేసి... మౌన దీక్షకు దిగుతున్నట్లు ప్రకటించారు. పవన్ ఫ్యాన్స్, మానవత్వం ఉన్నవారు, భాషాభిమానులు... అందర్ని ఆహ్వానిస్తున్నా... బుధవారం (18-04-2018) ఉదయం 10 గంటల నుంచి 12 గంటల వరకు రెండు గంటల పాటూ మౌన దీక్ష చేపట్టి నిరసన తెలుపుతున్నానంటూ పోస్ట్ పెట్టారు.

మాధవీ ఫిల్మ ఛాంబర్ దగ్గర ఈ దీక్షను చేపట్టబోతున్నారు. అంతకు ముందు పోస్ట్‌లో కూడా శ్రీరెడ్డి వ్యాఖ్యలపై స్పందించారు. పవన్ కళ్యాణ్ పాజిటివ్‌గా మాట్లాడితే దాన్ని నెగిటివ్‌గా... నెగిటివ్‌గా మాట్లాడితే... పాజిటివ్‌గా మాట్లాడినట్లు రెచ్చగొట్టేవాళ్లు ఉన్నారు... నిజమైన పీకే ఫ్యాన్స్ ఎప్పుడూ ఎవర్నీ రెచ్చగొట్టరన్నారు. అందుకే ఆలోచించండి... మీ కామెంట్స్‌తో నన్న రెచ్చగొట్టడానికి ట్రై చేస్తున్న మీ అందరికి థ్యాంక్స్... తన సహనం పెంచుతున్నారని పోస్ట్ పెట్టారు. మాధవీలత దీక్షకు దిగడం ఇప్పుడు హాట్‌టాపిక్‌గా మారింది. మరి ఆమెకు మద్దతుగా ఎంతమంది వస్తారన్నది కూడా ఆసక్తే.