టాలీవుడ్‌ హీరోయిన్‌కి యాక్సిడెంట్.. ఆలస్యంగా చెప్పిన బ్యూటీ

Actress Nabha Natesh: టాలీవుడ్ క్రేజీ హీరోయిన్ నభా నటేష్‌కి యాక్సిడెంట్ అయ్యిందట. ఈ విషయాన్ని ఆమె స్వయంగా తాజాగా సోషల్ మీడియా పోస్ట్ ద్వారా అభిమానులకి తెలియజేసింది. గత కొన్ని నెలలుగా సినిమాలకి నభా నటేష్‌ దూరంగా ఉంది. దాంతో ఆమెకి సినిమా అవకాశాలు రాలేదేమో అని అంతా అనుకున్నారు. కానీ గత ఏడాది యాక్సిడెంట్ కారణంగా ఎడమ భుజానికి మల్టిపుల్ ఫ్రాక్చర్స్ అయినట్లు నభా నటేష్ (Nabha Natesh) తాజాగా వెల్లడించింది. ఇస్మార్ట్ శంకర్ మూవీతో టాలీవుడ్‌కి పరిచయమైన నభా నటేష్.. ఆ మూవీ సూపర్ హిట్ కావడంతో క్రేజీ హీరోయిన్‌గా మారిపోయింది. ఆమెకి ఆ తర్వాత అల్లుడు అదుర్స్, మాస్ట్రో, డిస్కో రాజా, సోలో బ్రతుకే సో బెటర్ తదితర సినిమాల్లో అవకాశం దక్కింది. ఈ నాలుగు సినిమాలూ బాక్సాఫీస్ వద్ద చతికిలపడ్డాయి. దాంతో నభా నటేష్‌కి మళ్లీ సినిమా ఛాన్స్‌లు దక్కలేదేమో అందుకే ఇండస్ట్రీకి దూరంగా ఉందేమో అని అంతా అనుకున్నారు.

‘‘గత ఏడాదికాలంగా చాలా గడ్డు పరిస్థితి ఎదుర్కొన్నాను. నాకు ఒక యాక్సిడెంట్ జరిగింది. ఆ ప్రమాదంలో నా ఎడమ చేతి భుజానికి తీవ్ర గాయమైంది. రెండు చోట్ల ఎముక విరగడంతో సర్జరీలు చేశారు. దాంతో మానసికంగా, శారీరకంగా చాలా వేదనని అనుభవించా. ఈ క్రమంలోనే సినిమాలకి దూరంగా ఉండిపోయాను. అయితే ఇప్పుడు పూర్తిగా ఆ గాయాల నుంచి కోలుకున్నాను. మునుపటి కంటే ఉత్సాహంగా ఉన్నాను’’ అని సోషల్ మీడియా ద్వారా నభా నటేష్ అభిమానులకి తెలియజేసింది.

అందాల ఆరబోతలో ఏమాత్రం వెనుకంజ వేయని నభా నటేష్.. ఇస్మార్ట్ శంకర్‌ మూవీలో తెలంగాణ యాసలో కుర్రకారుని కట్టిపడేసింది. ఆ తర్వాత అల్లుడు అదుర్స్‌లో కూడా గ్లామర్‌గానే కనిపించింది. అయితే.. ఏడాది పాటు సినిమాలకి దూరంగా ఉండిపోయిన ఈ భామ ఇప్పుడు సాలిడ్ హిట్ కోసం చూస్తోంది.

Read Latest Telugu Movies News , Telugu News