పెళ్లికి ముందే గర్భం.. ఆడబిడ్డకి జన్మనిచ్చిన నటి

బాలీవుడ్ హాట్ హీరోయిన్ నేహా ధూపియా పండంటి ఆడబిడ్డకు జన్మనిచ్చింది. ఈ విషయాన్ని నేహా స్నేహితురాలు సోఫీ చౌదరి ట్విట్టర్ ద్వారా వెల్లడించారు. ముంబైలోని ఓ ప్రైవేట్ ఆసుపత్రిలో నేహా పండంటి ఆడబిడ్డకు జన్మనిచ్చారని.. తల్లీ బిడ్డలు క్షేమంగా ఉన్నారని సోఫీ చౌదరి సోషల్ మీడియా ద్వారా వెల్లడించారు. దీంతో అభిమానులు నేహా దూఫియా జంటకు శుభాకాంక్షలు తెలియజేస్తున్నారు.
బాలీవుడ్ నటుడు అంగద్ బేడీని ఈ ఏడాది మే 10న ప్రేమ వివాహం చేసుకున్న నేహా... పెళ్లికి ముందే అతడి వల్ల గర్భం దాల్చదనే వార్తలతో హాట్ టాపిక్ అయ్యింది. ఈ విషయాన్ని మొదట్లో రహస్యంగా ఉంచినప్పటికీ.. ఆగష్టులో తాము తల్లిదండ్రులు కాబోతున్నట్లు అఫీషియల్‌గా ప్రకటించిన విషయం తెలిసిందే.
మోడల్‌గా కెరియర్ ప్రారంభించిన నేహా.. హిందీ, తెలుగు, మలయాళ భాషల్లో పలు చిత్రాల్లో నటించింది. ‘జూలీ’, ‘క్యా కూల్ హై హమ్‌’, ‘షూట్ ఔట్ అట్ లోఖండ్‌వాలా’ వంటి బాలీవుడ్ చిత్రాలతో నటిగా పేరు సంపాదించింది. తెలుగులో ‘నిన్నే ఇష్టపడ్డాను’, ‘విలన్’, ‘పరమ వీర చక్ర’ వంటి చిత్రాల్లో నటిగా మెరిసి తెరమరుగైంది.