Pawan Kalyan: పూనమ్ కౌర్ సంచలన ట్వీట్.. మగజాతేనా మీది? ఆడవాళ్లని అడ్డుపెట్టుకుని రాజకీయాలు

రిపబ్లిక్ మూవీ ప్రీ రిలీజ్ ఈవెంట్‌లో పవన్ కళ్యాణ్ చేసిన వ్యాఖ్యలు సినీ రాజకీయ వర్గాల్లో దుమారాన్ని రేపాయి. వైపీసీ పార్టీ నాయకుల్ని.. ముఖ్యమంత్రి జగన్‌ని తీవ్ర స్థాయిలో విమర్శించడంతో.. వైసీపీ వర్సెస్ జనసేన నాయకుల మధ్య మాటల తూటాలు పేలుతున్నాయి. వెధవ, సన్నాసులు అయిపోయి కుక్క పందులు అంటూ తీవ్ర మైన పదజాలంతో ఒకరిపై ఒకరు దుమ్మెత్తి పోసుకుంటున్నారు.

ఈ తరుణంగా సినీ రచయిత, దర్శకుడు, నటుడు పోసాని కృష్ణ మురళి పవన్ కళ్యాణ్‌కి కౌంటర్ ఇస్తూ.. ఆయన తీవ్ర వ్యాఖ్యలు చేశారు. ఈ సందర్భంలో ఆయన వ్యక్తిగత జీవితాన్ని తెరపైకి తీసుకుని వస్తూ.. ‘ఓ పంజాబీ అమ్మాయిని నమ్మించి సినిమా అవకాశాలు ఇస్తానని చెప్పి.. మోసం చేసి.. కడుపు చేశాడు. చివరకు అబార్షన్ చేసుకోమని బెదిరించి హైద్రాబాద్ ఆస్పత్రికి తీసుకెళ్లి అబార్షన్ చేయించాడు. ఈ విషయం బయటకు చెప్తే నిన్ను లేకుండా చేస్తాం అని బెదిరించారు. చివరికి ఓ ఐదు కోట్లు ఇచ్చి ఆమె నోరు మూయించారు. మీరు పవన్ కళ్యాణ్ కదా.. ఆడపిల్లలకు అన్యాయం జరిగితే ఊరుకోరు కదా.. పైగా మీరు పవర్ స్టార్ కదా.. ఆ అమ్మాయికి న్యాయం చేయండి’? అంటూ పోసాని పవన్‌పై వ్యక్తిగత విమర్శలకు దిగారు.

అయితే పోసాని ఎవర్ని ఉద్దేశించి ఆ వ్యాఖ్యలు చేశారు.. ఆ పంజాబీ అమ్మాయి ఎవరు? అని ఇండస్ట్రీలో హాట్ టాపిక్ నడుస్తుండగా.. నటి పూనమ్ కౌర్ ఇష్యూ తెరపైకి వచ్చింది. గతంలో ఆమె కూడా పవన్ కళ్యాణ్ అలాగే త్రివిక్రమ్ శ్రీనివాస్‌పై ప్రత్యక్షంగానో పరోక్షంగానే విమర్శలు చేసిన సందర్భాలు ఉండటంతో పాటు.. గతంలో కత్తి మహేష్ కూడా పవన్-పూనమ్ బంధాన్ని బయటపెడుతూ సంచలన ఆరోపణలు చేశాడు.

దీంతో ఒక్కసారి ఈ ఇష్యూ పూనమ్ వైపుకి మళ్లింది. వైసీపీ అభిమానులు కొంతమంది పూనమ్ కౌర్‌ని ట్యాగ్ చేస్తూ ట్వీట్లు షేర్ చేస్తున్నారు. ఒక అభిమాని అయితే ‘ఏదైనా విశేషం ఉందా? పవన్ కళ్యాణ్‌తో’ అని ట్వీట్ పెట్టగా.. పూనమ్ కౌర్ తనదైన శైలిలో స్పందించింది.

‘మీరు అందరూ కలిసి అందరి ముందు మీ రాజకీయ లబ్ధి కోసం మీ లెవల్‌కి తగ్గేట్టు టీవీ ముందు చేయించారుగా పెళ్లి.. అందుకుని ఈరోజు వరకూ గుడ్ న్యూస్ లేదు.. ఆడవాళ్లని అడ్డుపెట్టుకుని రాజకీయాలు చేస్తున్నారుగా.. అసలు మీది మగజాతేనా? అని ప్రశ్నించింది పూనమ్ కౌర్.

ఆమె రిప్లైపై తిరిగి ఆ వైసీపీ అభిమాని రియాక్ట్ అవుతూ.. ‘పీకే గారు ఏమి చేసినా దేశం కోసం ధర్మం కోసమే చేస్తారు మేడమ్.. దయచేసి మీ దేవుడ్ని అర్థం చేసుకోండి’ అని కౌంటర్ ఇచ్చాడు. మొత్తానికి పవన్ ఇష్యూలో పూనమ్ కౌర్ ట్వీట్ హాట్ టాపిక్ అవుతోంది.