ప్రగతి ‘నౌటంకి’ డ్యాన్స్.. మరో వీడియో వదిలిన నటి

తెలుగు సినిమా ప్రేక్షకులకు నటి ప్రగతి సుపరిచితమే. క్యారెక్టర్ ఆర్టిస్ట్‌గా తనకంటూ ప్రత్యేక గుర్తింపు తెచ్చుకున్న నటి ఆమె. ఎన్నో సినిమాల్లో అత్త, పిన్ని, తల్లి పాత్రలు పోషించారు.. పోషిస్తూనే ఉన్నారు. తెలుగు, తమిళం, మలయాళ భాషల్లో కలిపి 120కి పైగా సినిమాల్లో ఆమె నటించారు. ప్రకాశం జిల్లా ఒంగోలులో పుట్టిన ప్రగతి.. సినిమాల్లో నటించాలనే కోరికతో చెన్నై వెళ్లారు. ఇప్పుడు హైదరాబాద్‌లో సెటిలయ్యారు. మొదట హీరోయిన్‌గా తమిళ ఇండస్ట్రీలోకి అడుగుపెట్టిన ప్రగతి.. ఆ తరవాత క్యారెక్టర్ ఆర్టిస్టుగా మారి తెలుగులో వరుస అవకాశాలతో దూసుకుపోతున్నారు.

Also Read: పవన్ కాబోయే సీఎం.. 2024లో మాదే ప్రభుత్వం: నాగబాబు ఆసక్తికర వ్యాఖ్యలు

సినిమా విషయాలు అటుంచితే ప్రగతి ఫిట్‌నెస్‌కు అధిక ప్రాధాన్యత ఇస్తారు. ఇంట్లోనే యోగా, వ్యాయామాలు చేస్తుంటారు. అంతేకాదు, ఆమెకు డ్యాన్స్ అన్నా పిచ్చి. మంచి డ్యాన్సర్ కూడా. సోషల్ మీడియాలో యాక్టివ్‌గా ఉండే ప్రగతి తన ఫిట్‌నెస్ వీడియోలు, డ్యాన్స్ వీడియోలను ఇన్‌స్టాగ్రామ్ ద్వారా అభిమానులతో పంచుకుంటారు. ఆ మధ్య ఆమె పోస్ట్ చేసిన డ్యాన్స్ వీడియోలు బాగా వైరల్ అయ్యాయి. అయితే, తాజాగా మరో వీడియోను ప్రగతి ఇన్‌స్టాగ్రామ్‌లో పోస్ట్ చేశారు. ఈ వీడియోలోనూ ప్రగతి డ్యాన్స్ అదుర్స్ అంతే.

Also Read: ‘ఉప్పెన’లా వ్యూస్.. ‘నీ కన్ను నీలి సముద్రం’ సంచలనం

వ్యాయామంలో భాగంగా ప్రగతి ఈ డ్యాన్స్ చేశారు. గత వీడియోలకు కాస్త విరుద్ధంగా ఉంది ఇది. ఇందులో బ్రేక్ డ్యాన్స్ చేశారామె. ఫాస్ట్ మూమెంట్స్‌తో కట్టిపడేశారు. ఆమె డ్యాన్స్ చూసి ‘వాట్ యాన్ ఎనర్జీ’ అంటూ నెటిజన్లు ప్రశంసలు కురపిస్తున్నారు. ‘‘తుఫానును శాంతింపజేయడానికి ప్రయత్నించడం మానండి. మిమ్మల్ని మీరు శాంతింపజేసుకుంటే తుఫాన్ వెళ్లిపోతుంది. వర్కౌట్ తర్వాత నౌటంకి’’ అని తన పోస్ట్‌లో ప్రగతి పేర్కొన్నారు.