Priyanka Chopra Wedding: వైరల్‌: ప్రియుడిని పెళ్లాడిన ప్రియాంక

బాలీవుడ్‌ నటి ప్రియాంక చోప్రా(36), తన ప్రియుడు అమెరికన్ సింగర్ నిక్ జోనస్‌(26)ను వివాహం చేసుకున్నారు. వీరి అభిమానులు ఎంతగానో ఎదురుచూసిన క్షణం శనివారం వచ్చింది. వివాహబంధంతో ప్రియాంక, నిక్‌లు ఒక్కటయ్యారు. క్రైస్తవ సంప్రదాయం ప్రకారం రాజస్థాన్‌లోని జోధ్‌పూర్‌లో ఉన్న ఉమాయిద్ భవన్ ప్యాలెస్‌లో అంగరంగ వైభవంగా వీరి వివాహం జరిగింది. ఈ ప్యాలెస్‌లో డిసెంబర్‌ 3 వరకు పెళ్లి వేడుకలు నిర్వహించనున్నారు.

ఇరువురి కుటుంబసభ్యులతో పాటు కేవలం కొందరు అతిథుల సమక్షంలో క్రైస్తవం సంప్రదాయం ప్రకారం వీరిద్దరు తమ జీవిత భాగస్వామికి జీవితాంతం తోడుగా ఉంటామని ప్రమాణం చేశారు. బాలీవుడ్‌ సెలబ్రిటీలు, రిలయన్స్‌ దిగ్గజం అంబానీ కుటుంబసభ్యులు, ఈ వేడుకకు హాజరైన ప్రముఖులలో ఉన్నారు. రేపు (డిసెంబర్‌ 2న) హిందూ సంప‍్రదాయం ప్రకారం ప్రియాంక, నిక్‌ల వివాహం నిర్వహించనున్నారు.
దాదాపు ఏడాదిపాటు డేటింగ్‌ కొనసాగించిన ఈ ప్రేమ జంట ఎన్నో పార్టీలకు హాజరైంది. వయసులో తనకన్నా పదేళ్లు చిన్నవాడైన అమెరికన్‌ సింగర్‌తో గత సెప్టెంబర్‌లో ప్రియాంక నిశ్చితార్థం జరిపించారు. నవంబర్‌ 29 నుంచి సంగీత్‌, తదితర పెళ్లి పనులు ప్రారంభమయ్యాయి. ఈ క్రమంలో నేడు నిక్‌, ప్రియాంకలు క్రైస్తవ సంప్రదాయంలో కొత్త జీవితంలో అడుగుపెట్టారు. వీరి పెళ‍్లి ఫొటోల కోసం అభిమానులు ఎంతో ఉత్సాహంగా ఎదురుచూస్తున్నారు.
See Pics: ప్రియాంక చోప్రా మెహందీ ఫొటోల కోసం క్లిక్ చేయండి