‘పదహారేళ్ల వయసు’.. కొడుకు ఫొటోను షేర్ చేసిన రాధిక శరత్ కుమార్

రాడాన్ పిక్చర్స్ అధినేత, సీనియర్ హీరోయిన్ రాధికా శరత్ కుమార్ తన కొడుకు రాహుల్ బర్త్ డే సందర్భంగా ఎమోషనల్ పోస్ట్‌ను షేర్ చేశారు. తన కొడుకు రాహుల్ టీనేజ్‌లోకి అడుగుపెడుతున్న సందర్భాన శుభాకాంక్షల్ని తెలియజేస్తూ తన కొడుకుతో కలిసి ఉన్న ఫొటోను ట్విట్టర్ ద్వారా షేర్ చేశారు రాధిక. ‘హ్యాపీ బర్త్ డే టీనేజర్.. 16 ఏళ్ల వయసుతో టీనేజ్‌లోకి వచ్చిన రాహుల్‌కి హ్యాపీ బర్త్ డే.. ఎల్లప్పుడూ సుఖసంతోషాలతో ఉండాలని కోరుకుంటున్నా’ అంటూ అంటూ ఎమోషనల్ మెసేజ్‌ని షేర్ చేశారు.

కాగా రాధిక మొదట రిచర్డ్ హార్టీని వివాహం చేసుకోగా.. వీరికి హార్టీ అనే కూతురు జన్మిచింది. అనంతరం తమిళ హీరో శరత్ కుమార్‌ని వివాహం చేసుకుంది రాధిక. వీరిద్దరికి 2004లో రాహుల్ జన్మించాడు. శరత్ కుమార్‌కి కూడా ఇది రెండో వివాహమే. మొదట భార్య ఛాయకు విడాకులు ఇచ్చిన అనంతరం రాధికను చేసుకున్నారు. శరత్ కుమార్ మొదటి భార్య కూతురే హీరోయిన్ వరలక్ష్మీ.