Rakul Preet Singh: సద్గురుతో రకుల్ ప్రీత్ సింగ్ గోల్ఫ్.. వైరల్ అవుతున్న వీడియో

సద్గురు జగ్గీవాసుదేవ్‌తో గోల్ఫ్ ఆడుతూ సందడి చేసింది హీరోయిన్ రకుల్ ప్రీత్ సింగ్. ప్రస్తుతం అమెరికాలో ఉన్న ఈ బ్యూటీ.. 'ఆటా' మహాసభల సందర్భంగా లెజెండ్ క్రికెటర్ కపిల్ దేవ్, ఆధ్యాత్మిక సద్గురు జగ్గీవాసుదేవ్‌లతో కలిసి గోల్ఫ్ ఆడింది. ఈ సందర్భంగా హేమాహేమీలతో ఆట ఆడానంటూ సోషల్ మీడియాలో తన సంతోషాన్ని పంచుకుంది.

అమెరికా వాషింగ్టన్ డీసీలో ఆటా (ATA) కన్వెన్షన్ ప్రారంభం సందర్భంగా సద్గురు, కపిల్ దేవ్ వంటి హేమాహేమీలతో గోల్ఫ్ ఆడడం కంటే సంతోషం ఏముంటుంది అంటూ తెగ సంబరపడిపోతూ.. కిక్ స్టార్టింగ్ అంటూ ఆ వీడియో, ఫొటోలను ఇన్ స్టాగ్రామ్‌లో షేర్ చేసింది రకుల్.

ఈ వీడియోలో రకుల్ తన గోల్ఫ్ ప్రావీణ్యాన్ని ప్రదర్శిస్తూ కనిపించింది. అమెరికాలో కూడా అమ్మడికి ఫాలోయింగ్ బాగానే ఉంది.. ఆమె పక్కన సద్గురు ఉన్నప్పటికీ.. రకుల్‌తో ఫొటోలు దిగడానికి ఎగబడ్డారు. ఆటోగ్రాఫ్‌లు ఇస్తూ పాప చాలా బిజీగా కనిపించింది. ప్రస్తుతం సద్గురుతో రకుల్ ప్రీత్ సింగ్ గోల్ఫ్ ఆడిన వీడియో వైరల్ అవుతుంది.


ఇక రకుల్ సినిమాల ముచ్చట్లకు వస్తే.. ఒకప్పుడు టాలీవుడ్‌లో స్టార్ హీరోయిన్ రేంజ్‌కి వెళ్లిన ఈ పాప.. టాప్ స్టార్లు అందరితోనూ జోడీ కట్టింది. అయితే గ్లామర్ షోతో వరుస ఆఫర్లు అందుకున్న ఈ భామ నటనలో తేలిపోవడంతో పెర్ఫామెన్స్ స్కోప్ ఉన్న పాత్రలు చేయడంతో వెనుకబడింది. దీనికి తోడు.. తోటి హీరోయిన్స్ నుంచి పోటీ ఉండటంతో మెల్లగా స్టార్ హీరోయిన్ రేంజ్ నుంచి తప్పుకోవాల్సి వచ్చింది. స్పైడర్, చెక్, విన్నర్ వంటి ఫ్లాప్‌లు వెంటాడటంతో అటు తమిళ్, హిందీలతో బిజీ అయ్యేందుకు గట్టిగానే ప్రయత్నాలు మొదలుపెట్టింది. ప్రస్తుతం పక్క ఇండస్ట్రీ హీరోలు అజయ్ దేవగన్, కార్తీ, శివ కార్తికేయన్‌లతో వరుస సినిమాలను లైన్‌లో పెట్టింది.