గ్లామర్ క్వీన్ రంభ సీమంతం వేడుక వైభవంగా జరిగింది. 2010లో కెనడాకు చెందిన బిజినెస్ మ్యాన్ ఇంద్రన్ కుమార్ను వివాహమాడిన రంభ మూడో బిడ్డకు జన్మనివ్వబోతున్నారు. తెలుగు, తమిళ, మలయాళం, హిందీ భాషల్లో పలు చిత్రాల్లో నటించిన రంభ హీరోలతో పోటీపడి స్టెప్పులు వేస్తూ తనకంటూ ప్రత్యేక ఇమేజ్కు సొంతం చేసుకున్నారు. వివాహం అనంతరం సినిమాలకు దూరమైన రంభ 2016లో తన భర్త నుండి విడాకులు కావాలని చెన్నై ఫ్యామిలీ కోర్టు మెట్లెక్కడంతో అప్పట్లో హాట్ టాపిక్ అయ్యింది. ఈ కేసును పరిశీలించిన కోర్టు ఇద్దరూ కలిసి ఓ అవగాహనకు రావాలంటూ సూచన చేయడంతో భార్యాభర్తలిద్దరూ కలిసి కొత్త జీవితాన్ని ప్రారంభించాలనే నిర్ణయానికి వచ్చారు.
కాగా తన భర్తతో చాలా హ్యాపీగా ఉన్నానని.. త్వరలో మూడో బేబికి జన్మనివ్వబోతున్నానంటూ ఇటీవల తన ఆనందాన్ని అభిమానులతో పంచుకున్నారు రంభ. ఇక సోమవారం నాడు రంభ సీమంతం వేడుకలను ఘనంగా నిర్వహించారు కుటుంబ సభ్యులు. ఈ వేడుకలో భార్యా భర్తలు ఇద్దరూ ఆనందంగా పాల్గొన్నారు. రంభపై ఆమె భర్త పూల వర్షం కురిపించగా.. సంతోషంగా ఉన్న రంభ తన బంధువులతో కలిసి స్టెప్పులు వేశారు. ఈ ఫోటోలను తన ఇన్స్టాగ్రామ్గా ద్వారా షేర్ చేయడంతో సోషల్ మీడియాలో వైరల్ అయ్యాయి.
Read Also: రంభ సీమంతం వేడుక వైరల్ ఫోటోల కోసం క్లిక్ చేయండి..
Read Also: రంభ సీమంతం వేడుక వైరల్ ఫోటోల కోసం క్లిక్ చేయండి..