Sai Pallavi గార్గి ట్వీట్టర్ రివ్యూ.. ఇరగదీసిన లేడీ పవర్ స్టార్.. రెస్పాన్స్ ఎలా ఉందంటే..?

న్యేచురల్ బ్యూటీ సాయి పల్లవి (Sai Pallavi) టైటిల్ రోల్‌లో నటించిన లేటెస్ట్ మూవీ గార్గి (Gargi). లేడీ ఓరియెంటెడ్ బ్యాక్ డ్రాప్‌లో తెరకెక్కిన ఈ సినిమా జులై 15న విడుదల కానుంది. తెలుగుతో పాటు తమిళం, కన్నడ భాషల్లో ఈ మూవీని రూపొందించారు. గౌతమ్‌ రామచంద్రన్‌ దర్శకత్వం వహించగా.. ఐశ్వర్య ల‌క్ష్మీ, థామ‌స్ ప్రొడ్యూసర్లుగా వ్యహరించారు. సాయి పల్లవి టీచర్ పాత్రలో నటిస్తున్నట్లు టైలర్‌ను బట్టి తెలుస్తోంది. రేపు (జులై 15న) ఈ సినిమా ఆడియన్స్ ముందుకు రానుండగా.. ప్రీమియర్ షోలు చూసిన వారు ట్వీట్టర్‌లో రివ్యూలు (Gargi Twitter Review) పోస్ట్ చేస్తున్నారు. వారి స్పందన ఎలా ఉందో ఓ లుక్కేద్దాం..

గార్గి సినిమా అద్భుతంగా ఉందని.. కోర్టు డ్రామాలో ఆసక్తికర సీన్లు ఉన్నాయని చెబుతున్నారు. సాయి పల్లవి యాక్టింగ్‌తో అదరగొట్టేసిందని.. వన్ ఉమెన్ షో అని అంటూ కామెంట్స్ పెడుతున్నారు. తన తండ్రిని పోలీసులు అక్రమంగా అరెస్ట్ చేయగా.. పోలీస్ కస్టడీ నుంచి విడిపించేందుకు సాయి పల్లవి చేసే పోరాటం చాలా ఇంట్రెస్టింగ్‌గా ఉంటుందన్నారు. లేడీ పవర్ స్టార్ కెరీర్‌లోనే బెస్ట్ మూవీగా నిలిచిపోతుందంటూ పొగుడుతున్నారు.

అదేవిధంగా డైరెక్టర్ గౌతమ్ రామచంద్రన్ స్ర్కీన్ ప్లే చాలా బాగుందని.. ఎమోషనల్ సీన్లు చాలా బాగా తెరకెక్కించారని ప్రశసింస్తున్నారు. ఓ యదార్థ సంఘటనను అద్భుతంగా చూపించారని అంటున్నారు. గార్గి సినిమాకు కచ్చితంగా నేషనల్ అవార్డ్సు వస్తాయంటూ ధీమాగా చెబుతున్నారు. సినిమా చూస్తున్నంత సేపు వేరే లెవెల్ ఎక్స్‌పీరియన్స్ ఉందంటున్నారు. ట్వీట్టర్‌లో గార్గి మూవీ పాజిటివ్ రెస్పాన్స్ వస్తుండడంతో ఆడియన్స్‌ ఎంతో ఆసక్తిగా ఎదురుచూస్తున్నారు. మరి ప్రేక్షకులకు రెస్పాన్స్ ఎలా ఉంటుందో తెలుసుకోవాలంటే రేపటి వరకు ఆగాల్సిందే..