బాయ్‌ఫ్రెండ్‌ గురించి శ్రుతి హాసన్ ఓపెన్ కామెంట్స్.. అతనితో గడపాలని ఉంది

లోకనాయకుడు కమల్ హాసన్ డాటర్‌గా తెరంగేట్రం చేసి.. తనతో నటనతో ప్రత్యేక గుర్తింపు తెచ్చుకుంది శ్రుతి హాసన్. టాలీవుడ్‌తో పాటు కోలీవుడ్, బాలీవుడ్‌లోనూ ఈ చెన్నై బ్యూటీకి ఫ్యాన్ ఫాలోయింగ్ ఏర్పడింది. ఈ ముద్దుగుమ్మ డూడ‌ల్ ఆర్టిస్ట్ శాంత‌ను హాజారికా అనే వ్యక్తితో రిలేష‌న్ షిప్‌లో ఉన్న సంగతి అందరికీ తెలిసిందే. తాజాగా ఓ ఇంటర్వ్యూలో ఆమె తన బాయ్‌ ఫ్రెండ్ గురించి ఆసక్తికర విషయాలు పంచుకుంది.

తన జీవితంలో ముఖ్యమైన భాగాన్ని శాంతాతో గడపాలని అనుకుంటున్నట్లు చెప్పింది ఈ చెన్నై బ్యూటీ. అతనితో ఉన్నందుకు చాలా గర్వంగా ఉందని.. తమ రిలేషనషిప్‌ను దాచాలని అనుకోవట్లేదని తెలిపింది. తాము ఎక్కడికి వెళ్లినా ఫొటోగ్రాఫర్లు ఫొటోలు తీస్తుంటారని.. తమ బంధం దాచాలని అనుకున్నా.. దాగదని చెప్పేసింది. తాను ఎంతో కష్టపడి ఇంటికి వెళ్లిన తరువాత.. మిగిలిన సమయాన్ని తనకు ఎంతో ఇష్టమైన పార్ట్‌నర్‌తో స్పెండ్ చేయాలని అనుకుంటున్నట్లు చెప్పొకొచ్చింది ఈ ముద్దుగుమ్మ.

పెళ్లి గురించి ప్రస్తావించగా.. తన దగ్గర సమాధానం లేదంటూ శ్రుతి హాసన్ సమాధానం దాటవేసింది. పెళ్లి అనే ఆలోచనే తనను భయపెడుతుందని ఆమె గతంలోనే చాలాసార్లు చెప్పింది. ముందు మిచెల్ కోర్స్‌లే అనే వ్యక్తితో ప్రేమ వ్యవహారం నడిపిన శ్రుతి హాసన్.. ఆ తర్వాత ఇద్దరు వీడిపోయారు. ఈ రిలేషన్ బ్రేకప్ తరువాత ఆమె చాలా డిప్రేషన్‌లోకి వెళ్లిపోయింది. సినిమాలకు కూడా బ్రేక్ ఇచ్చింది. ఆ తరువాత శాంతా పరిచయంతో మళ్లీ సెట్ అయింది. సినిమాలతో ట్రాక్‌లోకి వచ్చింది. ప్రస్తుతం 'NBK 107', 'సలార్', 'మెగా 154' మూవీస్‌తో ఈ చెన్నై బ్యూటీ బిజీగా ఉంటోంది.