‘అమ్మాయిలు ఎవరూ ఈ పీకేల సపోర్టు కోరుకోవడం లేదు’

టాలీవుడ్ కాస్టింగ్ కౌచ్‌పై నటి శ్రీరెడ్డి చేస్తోన్న నిరసనపై స్పందించిన జనసేన అధినేత, నటుడు పవన్ కల్యాణ్ స్పందించిన విషయం తెలిసిందే. ఆమె నిరసన తెలిపే విధానం తప్పని, వేధింపులు ఎదుర్కొని ఉంటే చట్టపరంగా చర్యలు తీసుకునేలా పోలీసులకు ఫిర్యాదు చేయాలని పవన్ వ్యాఖ్యానించడంపై శ్రీరెడ్డి తన ఫేస్‌బుక్ ఖాతాలో మరో పోస్ట్ పెట్టింది. ఆంధ్రప్రదేశ్‌కు ప్రత్యేక హోదా కోసం నిరసనలు తెలియజేస్తున్న పవన్ కల్యాణ్, కోర్టుకు లేదా పోలీసు స్టేషన్‌కు ఎందుకు వెళ్లడం లేదని ఆమె ప్రశ్నించింది. ‘పీకేజీ... ఆంధ్రా కోసం మీరెందుకు నిరసనలు తెలియజేస్తున్నారు? హోదా కోసం పోలీసు స్టేషన్‌కో, కోర్టుకో వెళ్లవచ్చుకదా. మేము కూడా మీలానే చేస్తున్నాం. తెలుగు అమ్మాయిల స్వాతంత్రం కోసం, కాస్టింగ్ కౌచ్ నిర్మూలన కోసం కోసం పోరాడుతున్న వారిపై కనీస గౌరవం కూడా మీకు లేదా? మీరేమీ దీనిపై బలవంతంగా నోరు తెరచి మాట్లాడనక్కర్లేదు... మేము అర్థం చేసుకోగలం.. అమ్మాయిలు ఎవరూ ఈ పీకేల సపోర్టు కోరుకోవడం లేదు...సినిమా పరిశ్రమకు ఇది సిగ్గు చేటు’అని వ్యాఖ్యానించింది.

అంతకు ముందు పవన్ కల్యాణ్ సార్ వ్యాఖ్యలు తనకేమీ సంతోషాన్ని కలిగించలేదు. అయితే, ఇతర మహిళల రక్షణపై మాట్లాడటం, నన్ను తక్కువ చేయడం అవగాహన చేసుకోలేకపోయా. ఇది కూడా మంచి. నేనేమీ అసూయ పడలేదు. ప్రజల దృష్టి నాపై పడాలని కోరుకోవడం లేదు. అలాగే ఇతరుల మాదిరిగా నాకేమీ పాపులారిటీ అవసరం లేదు" అని ఫేస్‌బుక్ ఖాతాలో పోస్ట్ చేసింది.