తను పుండై.. తనవారికి పండై: శ్రీరెడ్డిలో కొత్త యాంగిల్

టాలీవుడ్ ఫైర్ బ్రాండ్, వివాదాస్పద నటి శ్రీరెడ్డి టీవీ షోలకు దూరమైనా ఫేస్‌బుక్, ట్విట్టర్‌లలో వేడిరాజేస్తూనే ఉంది. క్యాస్టింగ్ కౌచ్ వివాదంతో వార్తల్లోకి వచ్చిన ఈ హాట్ సుందరి ఈ తరువాత పవన్ కళ్యాణ్‌పైన ఆయన కుటుంబంపైన వ్యక్తిగత ఆరోపణలతో ఆత్మరక్షణలో పడి హౌస్ అరెస్ట్ అయ్యింది. ఇప్పుడు బయటకు వస్తే.. ఎవరేం చేస్తారన్న భయట తిరగడం మానేసింది. తనను అత్యాచారం చేస్తామని.. చంపేస్తామని ఇండస్ట్రీ నుండి బయటి వ్యక్తుల నుండి బెదిరింపులు వస్తున్నట్టు శ్రీరెడ్డి ఆరోపిస్తుంది. తనకు రక్షణ కల్పించాలని కోరుతూ తెలంగాణ ఐటీ మినిస్టర్ కేటీఆర్‌కు ట్విట్టర్ ద్వారా విన్నవించుకుంటుంది శ్రీరెడ్డి.
అయితే ఇప్పటి వరకూ వ్యక్తిగత ఆరోపణలు, దూషణలతో ఫేస్ బుక్, ట్విట్టర్‌ను హీటెక్కించిన శ్రీరెడ్డి.. తనలో ఉన్న కొత్త యాంగిల్‌ని బయట పెట్టింది. తనలో ఉన్న కవయిత్రిని బయటకు తీసింది. అక్కడక్కడ నుండీ కష్టపడి కాపీ కొట్టిన కొటేషన్లతో కవిత్వాలను విసురుతుంది శ్రీరెడ్డి. శ్రీశ్రీ , అబ్రహం లింకన్ నీతి సూక్తులను తన ఫేస్ బుక్ ద్వారా పోస్ట్ చేస్తున్న శ్రీరెడ్డి.. తాజాగా ‘ తను పుండై.. తనవారికి పండై’.. అంటూ స్త్రీ జాతికి సలాం చేస్తూ ఓ కొటేషన్ రాసింది. దీనితో పాటు శ్రీరెడ్డి వదిలిన మరో కవిత్వాన్ని కూడా చూడండి..

‘జీవితం నన్ను ఓడించిన ప్రతీసారీ
ఒక పక్షిలా విహంగమై రెక్కలు
విప్పకోవాలని ఉంటుంది.

బ్రతుకు నన్ను ఓడించిన ప్రతీసారీ
భూమిని చీల్చుకునే విత్తులా
తలెత్తాలని ఉంటుంది.

లోకం నన్ను చులకనగా చూసిన
ప్రతీసారీ భగభగ మండే నిప్పు కణంలా
మండాలని ఉంటుంది.

నా పెదాల నుండి వచ్చే చిరునవ్వు
మోముపై ఆవిరవుతున్న కన్నీరును
ప్రతీసారి ఎగసే కెరటమై ఉప్పొంగాలని ఉంటుంది.

ఎంతైనా మనిషిని కదా కిందపడిన
ప్రతీసారీ పైకి ఎగసిపడాలని ఉంటుంది.

పిడికిలి బిగించి వచ్చే సమస్యలకు
సమాధానం చెప్పి ఎదురు తిరుగుతూనే ఉంటాను’.