ఫిల్మ్ ఛాంబర్ వద్ద శ్రీరెడ్డి హల్ చల్.. బట్టలు విప్పి నిరసన

టాలీవుడ్ వివాదాస్పద నటి శ్రీరెడ్డి అన్నంత పని చేసింది. తనకు న్యాయం చేయకపోతే ఫిల్మ్ ఛాంబర్ వద్ద బట్టలు విప్పి నిరసన తెలియజేస్తా అని ఇటీవల ఓ టీవీ ఛానల్ డిబేట్‌లో ప్రకటించిన శ్రీరెడ్డి అన్నట్టుగానే నగ్న ప్రదర్శన చేసింది. శనివారం నాడు హైదరాబాద్‌లో ఫిల్మ్ ఛాంబర్ వద్ద పై వస్త్రాలను పూర్తిగా తొలగించి.. అండర్ వేర్‌తో నిరసన తెలిపింది. వెంటనే అప్రమత్తమైన ఛాంబర్ సభ్యులు ఆమెతో చర్చలు జరిపేందుకు ప్రయత్నించినప్పటికీ ఆమె ససేమిరా అనడంతో పోలీసులు రంగప్రవేశం చేసినట్లు తెలుస్తోంది. ప్రస్తుతం శ్రీరెడ్డి ఫిల్మ్ ఛాంబర్ వద్దనే ఉన్నారు.

Read Also: శ్రీరెడ్డి అరెస్ట్.. పోలీస్ స్టేషన్‌కి తరలింపు

అసలు వివాదం ఏంటి? శ్రీరెడ్డి డిమాండ్‌ ఏంటి?
తనను అవకాశాల పేరుతో ఇండస్ట్రీకి చెందిన పెద్దలు వాడుకున్నారని.. కేవలం తెలుగు అమ్మాయి అనే కారణంతో అవకాశాలు లేకుండా చేశారంటూ ఇటీవల మీడియాకెక్కింది శ్రీరెడ్డి. తనతో పాటు చాలా మంది తెలుగు అమ్మాయిల్ని శారీరకంగా మానసికంగా వేధిస్తున్నారని.. వాళ్ల కమిట్మెంట్స్‌కి ఒప్పుకోకపోతే ఆఫర్స్ లేకుండా కక్షసాధింపు చర్యలకు దిగుతున్నారంటూ తెలుగు అమ్మాయిలకు సినిమాల్లో అవకాశాలు కల్పించేవిధంగా చర్యలు తీసుకోవలని శ్రీరెడ్డి పోరాటం చేస్తుంది. అంతే కాకుండా తనకు మూవీ ఆర్టిస్ట్ అసోసియేషన్‌లో సభ్యత్వం ఇవ్వకుండా వేధిస్తున్నారంటూ.. వెంటనే తనకు సభ్యత్వం ఇవ్వాలంటూ నిరసనకు దిగింది శ్రీరెడ్డి.

కాగా ఇటీవల ఓ బడా ప్రొడ్యుసర్‌లో పాటు.. ఓ దర్శకుడు, ఓ సింగర్, మరో హీరోకి సంబంధించిన లీక్స్‌ను శ్రీరెడ్డి లీక్స్ పేరిట తన ఫేస్ బుక్ ద్వారా విడుదల చేసి సంచలనం రేపింది. ప్రస్తుతం ఈ వివాదం టాలీవుడ్‌లో హాట్ టాపిక్‌గా ఉండగా.. నగ్న ప్రదర్శన ద్వారా టాలీవుడ్‌లో మరింత గుబులు రేపింది శ్రీరెడ్డి.

Read Also: శ్రీరెడ్డి లీక్స్: ఇండియన్ ఐడల్ శ్రీరామ్‌తో పచ్చి రొమాంటిక్‌గా ఇలా...
Read this story in English